२०८२ असार २२ गते १५:०६ 
News Summary
Generated by OK AI. Editorially reviewed.- काठमाडौंको कीर्तिपुरस्थित त्रिवि क्रिकेट मैदानमा प्यारापिट र फ्लडलाइट निर्माणको काम भइरहेको छ।
- सिट जडानको काम पनि सुरु भएको छ ।
- हालसम्म कामको प्रगति प्यारापिटमा ७० प्रतिशत र फ्लडलाइटमा ४० प्रतिशत रहेको छ।
२२ असार, काठमाडौं । काठमाडौंको कीर्तिपुरस्थित त्रिवि क्रिकेट मैदानमा बन्दै गरेको प्यारापिटमा सिट जडानको काम सुरु गरिएको छ ।
रङ्गशालालाई अन्तरराष्ट्रिय स्तरको बनाउन र रातमा खेल सञ्चालन गराउन मिल्नेगरी गत फागुनदेखि प्यारापिट निर्माण र फ्लडलाइट जडानको काम सुरु भएको हो ।
यसको पहिलो चरणमा १० हजार दर्शक अट्ने गरी प्यारापिट निर्माण र आठ वटा फ्लडलाइट जडान गरिँदैछ । निर्माणको जिम्मा पाएको बिजी कन्स्ट्रक्सनका इञ्जिनियर सुनील शाहका अनुसार प्यारापिटमा पहेलो सेतो खैरो हरियो नीलो र सुन्तला गरी पाँच रङका कुर्सी जडान हुने छन् ।
प्यारापिटलाई रङ्गशालाको पश्चिमतर्फ छ र पूर्वतर्फ दुईगरी आठ खण्डमा विभाजन गरिएको छ । प्रत्येक खण्डमा ६५२ कुर्सी राखिनेछन् ।
यसअघि असारको पहिलो सातादेखि सिट नडान गर्ने हिसाबले तयारी गरिएपनि विविध कारणले गर्दा सिट जडानको काम केही ढिलोगरी सुरु भएको हो ।
प्रतिक्रिया 4