हिमालयन बैंकको एफपीओ असार ३२ देखि खुल्ने

News Summary

Generated by OK AI. Editorially reviewed.

हिमालयन बैंकले असार ३२ देखि ९२ लाख ५० हजार ४६९ कित्ता एफपीओ निष्कासन गर्ने घोषणा गरेको छ।
बैंकले सर्वसाधारणलाई १५७ रुपैयाँ प्रतिकित्ता दरमा सेयर बिक्री गर्न लागेको हो।
सर्वसाधारणको बैंकमा सेयर हिस्सा २७ प्रतिशत रहेको र आवेदन साउन ४ सम्म खुल्नेछ।

२४ असार, काठमाडौं । हिमालयन बैंकले आम सर्वसाधारणका लागि असार ३२ देखि थप सार्वजनिक सेयर (एफपीओ) निष्कासन गर्ने भएको छ ।

बैंक तथा वित्तीय संस्था सम्बन्धी ऐनअनुरुप कम्पनीले सर्वसाधारण समूहमा सेयर हिस्सा हिस्सा ३० प्रतिशत कायम गर्न एफपीओ जारी गर्न लागेको हो । बैंकले ९२ लाख ५० हजार ४६९ कित्ता एफपीओ निष्कासन गर्दैछ ।

हाल सर्वसाधारण समूहमा बैंकको सेयर हिस्सा जम्मा २७ प्रतिशत छ । अंकित मूल्य १ सयमा ५७ रुपैयाँ प्रिमियम थप गर्दै प्रतिकित्ता १५७ रुपैयाँका दरले बैंकले एफपीओ जारी गर्नेछ । बिक्री प्रवन्धकमा सिटिजन्स क्यापिटल रहेको छ ।

एफपीओमा साउन ४ गतेसम्म सर्वसाधारणले आवेदन दिन सक्नेछन् । अनलाइन प्रणाली मेरो सेयर वा आस्बा सदस्य बैंक तथा वित्तीय संस्थाबाट आवेदन दिन सकिनेछ ।

न्यूनतम १० तथा अधिकतम पूरै सेयरका लागि आवेदन दिन सकिने छ । एफपीओका लागि गराएको रेटिङमा केयर रेटिङ बीबीबी प्रदान गरेको छ । सोमबार बजार बन्द हुँदा यस बैंकको सेयर मूल्य प्रतिकित्ता २२० रुपैयाँ छ ।