विकास हाइड्रोपावरको आईपीओ बाँडफाँट

News Summary

Generated by OK AI. Editorially reviewed.

विकास हाइड्रोपावरको सर्वसाधारणका लागि निष्कासन गरिएको २९ लाख ४२ हजार ७६० कित्ता आईपीओ आइतबार प्रभु क्यापिटलले बाँडफाँट गरेको छ।
२० लाख ४३ हजार ६८६ आवेदनमध्ये २ लाख ९४ हजार २७६ जनाले १० कित्ताका दरले सेयर पाएका छन् भने बाँकी १७ लाख ४९ हजार ४१० आवेदकको हात रित्तो भएको छ।
कम्पनीले गोरखा जिल्लाको धार्चेमा ४.५५ मेगावाट क्षमताको माथिल्लो माछाखोला साना जलविद्युत् आयोजना सञ्चालन गरेको छ र यसको कुल लागत १ अर्ब ११ करोड ८२ लाख रुपैयाँ छ।

२९ असार, काठमाडौं । सर्वसाधारणका लागि खुलेको विकास हाइड्रोपावरको आईपीओ आइतबार बाँडफाँट भएको छ ।

बिक्री प्रवन्धक प्रभु क्यापिटलले एक औपचारिक कार्यक्रम आयोजना गरी आईपीओ बाँडफाँट गरेको हो । सर्वसाधारणका लागि कुल २९ लाख ४२ हजार ७६० कित्ता सेयर निष्कासन गरेको थियो ।

सो सेयरमा २० लाख ४३ हजार ६८६ आवेदन रितपूर्वक भरिएको थियो । रितपूर्वक दिएका आवेदकमध्ये २ लाख ९४ हजार २७६ जनाले १० कित्ताका दरले सेयर पाएका छन्।

बाँकी १७ लाख ४९ हजार ४१० आवेदकको हात रित्तो भएको छ । आईपीओको नतिजा केही बेरपछि आईपीओ रिजल्ट डट् सीडीएससी डट् कम डट् एनपीमा हेर्न सकिनेछ ।

कम्पनीले गोरखा जिल्लाको धार्चेमा माथिल्लो माछाखोला साना जलविद्युत् आयोजना सञ्चालन गरेको छ । जुन ४.५५ मेगावाट क्षमताको छ । यस आयोजनाको कुल लागत १ अर्ब ११ करोड ८२ लाख रुपैयाँ छ । प्रतिमेगावाट लागत २४ करोड ५७ लाख ६८ हजार रुपैयाँ छ ।

गत पुस मसान्तसम्म कम्पनीको प्रतिसेयर आम्दानी ५ रुपैयाँ ३७ पैसा छ । प्रतिसेयर नेटवर्थ १०२ रुपैयाँ ७६ पैसा छ । कम्पनीको सञ्चित नाफा १ करोड २८ लाख रुपैयाँ छ ।