३० असार, गुल्मी । गुल्मीका धेरैजसो ठाउँमा विद्युत आपूर्ति बन्द भएको छ । आइतबार रातिदेखि विद्युत सेवा अवरुद्ध भएको हो ।
कपिलवस्तुको मोतिपुर नजिकै रहेको १३२ केभी प्रसारण लाइनको टावरमा हावाहुरीका कारण क्षति पुगेपछि गुल्मी वितरण केन्द्रअन्तर्गतको सेवा अवरुद्ध भएको हो ।
नेपाल विद्युत प्राधिकरण, गुल्मी वितरण केन्द्रका अनुसार प्रसारण लाइनमा समस्या देखिएपछि सेवा अवरुद्ध भएको नेपाल विद्युत प्राधिकरण गुल्मी वितरण केन्द्र प्रमुख अर्जुन पोखरेलले बताए ।
प्राधिकरणले यस अवस्थाबाट ग्राहक वर्गमा परेको असुविधाप्रति क्षमायाचना व्यक्त गरेको छ । विद्युत अवरुद्ध हुँदा प्रशासनिक सेवा, सञ्चार, उद्योगधन्दा, घरायसी कार्य लगायत सर्वसाधारणको दैनिकी प्रभावित बनेको छ ।
विद्युत प्राधिकरणले समस्या समाधानका लागि प्राविधिक टोली खटाइएको जनाएको छ । पूर्ण मर्मत कार्य सम्पन्न नभएसम्म सेवाग्राहीलाई धैर्य गर्न आग्रह गर्दै केन्द्रले यथाशीघ्र समस्या समाधान गर्ने प्रतिबद्धता जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4