News Summary
Generated by OK AI. Editorially reviewed.- सुर्खेतको वीरेन्द्रनगरबाट ब्राउन सुगर र नाइट्राजेपामसहित तीन जना पक्राउ परेका छन्।
- पक्राउ पर्नेहरूमा कमल कार्की, ध्वनिल मल्ल र आर्यन शाह रहेका छन्।
- आर्यन शाहको कोठाबाट तीन ग्राम सात सय मिलिग्राम ब्राउन सुगर बरामद भएको छ।
९ साउन, सुर्खेत । सुर्खेतको वीरेन्द्रनगरबाट लागुऔषध ब्राउन सुगरसहित तीन जना पक्राउ परेका छन् ।
पक्राउ पर्नेहरूमा वीरेन्द्रनगर नगरपालिका–३ का २९ वर्षीये कमल कार्की, दैलेखको दुल्लु नगरपालिका–६, घर भई हाल वीरेन्द्रनगर ३ बस्दै आएका २१ वर्षीय ध्वनिल मल्ल र कमलबजार नगरपालिका‐८, घर भई हाल वीरेन्द्रनगर‐९ लाटीकोइलीमा बस्दै आएका २५ वर्षीय आर्यन शाह रहेका छन् ।
वीरेन्द्रनगरका दुई फरक-फरक ठाउँबाट बिहीबार बेलुका उनीहरूलाई नियन्त्रणमा लिएको प्रहरीले जनाएको छ ।
सुर्खेतका प्रहरी नायव उपरीक्षक मोहनजंग बुढथापाका अनुसार आर्यन शाहको कोठा खानतलासी गर्दा तीन ग्राम सात सय मिलिग्राम ब्राउन सुगर बरामद भएको छ ।
यसैगरी वीरेन्द्रनगर‐३ मा शंकास्पद अवस्थामा रहेका कार्की र मल्लको शरीर खानतलासी गर्दा २४३ ट्याब्लेट नाइट्राजेपाम बरामद भएको उनले बताए।
उनीहरूमाथि थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4