२०८२ साउन १६ गते १४:३४ 
News Summary
Generated by OK AI. Editorially reviewed.- अफगानिस्तान, पाकिस्तान र युएईबीच टी-२०आई शृंखला हुने भएको छ।
- शृंखलामा हरेक टोलीले एकअर्कासँग दुईपटक खेल्नेछन् र शीर्ष दुई टोलीबीच फाइनल हुनेछ।
- यो शृंखला एसिया कप क्रिकेटको तयारीका रूपमा खेलिनेछ।
१६ साउन, काठमाडौं । आगामी सेप्टेम्बरमा हुने एसिया कप क्रिकेटको तयारी स्वरुप अफगानिस्तान, पाकिस्तान र युएईबीच टी-२०आई शृंखला हुने भएको छ। शृंखला आगामी अगस्ट-सेप्टेम्बरमा यूएईको शारजाहमा हुनेछ ।
शृंखलामा हरेक टोलीले एकअर्कासँग दुईपटक खेल्नेछन् । त्यसपछि शीर्ष दुई टोलीबीच फाइनल खेल हुनेछ। आईसीसीको टी-२०आई वरियतामा पाकिस्तान आठौं, अफगानिस्तान नवौं र यूएई १४औं स्थानमा छन्।
पाकिस्तानले हाल वेस्ट इन्डिजसँग टी-२०आई शृंखला खेलिरहेको छ भने एसिया कपमा ओमानसँग सेप्टेम्बर १२ मा पहिलो खेल खेल्नेछ। अफगानिस्तानले सेप्टेम्बर ९ मा हङकङविरुद्ध खेल्दै एसिया कप सुरु गर्नेछ।
यूएईले हालसालै बंगालदेशसँगको टी-२०आई शृंखला जितेर ऐतिहासिक सफलता हासिल गरेको थियो । यूएईले एसिया कपको पहिलो खेलमा भारतसँग खेल्नेछ ।
पाकिस्तान र अफगानिस्तान दुवै टोलीले २०२६ को टी-२० विश्वकपमा सिधा स्थान बनाएका छन्। यूएई भने अक्टोबर ८ देखि १७ सम्म ओमानमा हुने क्षेत्रीय छनोटमार्फत विश्वकपमा स्थान सुरक्षित गर्न प्रयासरत हुनेछ।
प्रतिक्रिया 4