पन्ध्रौं शताब्दीको कथा लिएर कौसीमा ‘काली पार’ लाग्दै

News Summary

Generated by OK AI. Editorially reviewed.

कौसी थिएटर टेकुमा भदौ १२ गतेदेखि ऐतिहासिक कथामा आधारित नाटक 'काली पार' मञ्चन हुन लागेको छ।
नाटकमा पन्ध्रौं शताब्दी आसपासको पहाडी टुक्रे-राज्यहरूको युद्ध, राजनीति तथा सामाजिक परिवेश देखाउन खोजिएको छ।
प्रवीण पौडेल र मुक्ति प्रसाद पौडेलको संयुक्त निर्देशनमा तयार भएको 'काली पार' मा २० जना कलाकार सहभागी छन्।

३ भदौ, काठमाडौं । कौसी थिएटर टेकुमा नाटक ‘काली पार’ मञ्चन हुने भएको छ । ऐतिहासिक कथामा बनेको नाटक यही भदौ १२ गतेदेखि मञ्चन हुन लागेको हो ।

यस नाटकमा पन्ध्रौं शताब्दी आसपासको पहाडी टुक्रे-राज्यहरूको युद्ध, राजनीति तथा सामाजिक परिवेश देखाउन खोजिएको बताइएको छ ।

प्रवीण पौडेल र मुक्ति प्रसाद पौडेलको संयुक्त निर्देशनमा बन्दै गरेको नाटकलाई कथा घेराको सहकार्यमा पत्र-मञ्जूषाले निर्माण गर्न लागेको हो । ‘काली पार’ प्रवीण र मुक्ति दुवैको पहिलो निर्देशन हो ।

नाटकमा सागर दाहाल, ऋषिकेश बस्याल, आयुश्मा मगर, निरज पन्थी, मुकुन्द खलपात्र, आशिष काफ्ले, दिलराज राई, शरद भण्डारी लगायत २० जना कलाकार रहेका छन् । ‘काली पार’ मुक्तिको लेखन रहेको दोस्रो नाटक हो । यसअघि गत वर्ष कौसी थिएटरमै उनको लेखन रहेको ‘काँचो धागो’ मञ्चन भएको थियो, जसलाई आशान्त शर्माले निर्देशन गरेका थिए ।