शिक्षा समितिका सदस्यलाई सुरक्षा थ्रेट : भौतिक कारबाहीसम्मको धम्की

News Summary

Generated by OK AI. Editorially reviewed.

प्रनितिधि सभाको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयक पारित गर्ने क्रममा सांसदहरूलाई भौतिक कारबाहीसम्मको धम्की आएको सरकारलाई जानकारी गराएको छ।
एमाले सांसद छविलाल विश्वकर्माले धम्कीको विषयमा भने, 'कसैको प्रवाभामा नपरी प्रलोभनमा आकर्षित नभएर ऐन कानून बनाउने सन्दर्भमा यस्तो खालको विषय आएको छ।'
समिति सभापति अम्मरबहादुर थापाले सरकारलाई गम्भीरतापूर्वक निगरानी गर्न निर्देशन दिएका छन् र शिक्षक महासंघ र निजी विद्यालयले आन्दोलनको घोषणा गरेको छ।

५ भदौ, काठमाडौं । प्रनितिधिसभाको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकको सन्दर्भमा समितिका सदस्यहरूलाई भौतिक कारबाहीसम्मको धम्की आएकोबारे सरकारलाई जानकारी गराएको छ ।

बिहीबार विधेयक पारित गर्ने क्रममा उपसमितिका संयोजक समेत रहेका एमाले सांसद छविलाल विश्वकर्माले सांसदहरूलाई धम्की आएकोबारे जानकारी गराएका थिए ।

‘भौतिक कारबाही सम्मको म्यासेज छ । समिति र सरकारले थाहा पाउनुपर्छ,’ सांसद विश्वकर्माले भने, ‘कसैको प्रभावमा नपरी प्रलोभनमा आकर्षित नभएर ऐन कानुन बनाउने सन्दर्भमा यस्तो खालको विषय आएको छ । सरकारले थाहा पाउनुपर्छ ।’

त्यसपछि समिति सभापति अम्मरबहादुर थापाले गम्भीरतापूर्वक निगरानी गर्न सरकारलाई निर्देशन दिए ।

‘थ्रेट नभएको होइन । होसियारपूर्वक हिँड्न पर्ला भनेर म्यासेज आएको छ । सरकारले निगरानी गम्भीरतापूर्वक गरोस् । सबै सरोकारवालको कुरा सुनेका छौं । तर सानो कुरा पुगेन भनेर सबै माननीयलाई थ्रेट आएको छ ,’ सभापति थापाले भने ।

समितिबाट बिहीबार विद्यालय शिक्षा विधेयक पारित भएको थियो । विधेयकमा असन्तुष्टि जनाउँदै शिक्षक महासंघ र निजी विद्यालयले आन्दोलनको घोषणा गरेको छ ।