हङकङका कलाकार बियुको कला प्रदर्शनी स्वयम्भूको आर्टुडियोमा

News Summary

Generated by OK AI. Editorially reviewed.

स्वयम्भूस्थित आर्टुडियोले हङकङका कलाकार बियु सोइ सुंग पियुको 'रिदमलेस, रिपिटेसन' कला प्रदर्शनी अगस्ट २९ देखि ३१ सम्म गर्ने भएको छ।
प्रदर्शनीले पुनरावृत्तिलाई अनुष्ठान र लयका रूपमा देखाउँदै फोटो/भिडियोमूलक कृतिहरू प्रस्तुत गर्नेछ।
यो प्रदर्शनी बियुको आर्टुडियो इन्टरनेसनल आर्टिस्ट रेजिडेन्सी कार्यक्रमको समापन पनि रहेको आयोजकले जानकारी दिएका छन्।

१० भदौ, काठमाडौं । स्वयम्भूमा अवस्थित आर्टुडियोले हङकङका अन्तर्राष्ट्रिय रेजिडेन्सी कलाकार बियु सोइ सुंग पियुको ‘रिदमलेस, रिपिटेसन’ नामक कला प्रदर्शनी गर्ने भएको छ । यही अगस्ट २९ देखि ३१ सम्म आर्टुडियोकै हलमा यो कला प्रदर्शनी हुने लागेको हो ।

आयोजकका अनुसार यस प्रदर्शनीले पुनरावृत्तिलाई अनुष्ठान र लय दुवैका रूपमा देखाउनेछ । जसका लागि कलाकार बियुले फोटो/भिडियोमूलक कृतिहरूमार्फत दैनिकीका क्रियाकलापहरू देखाउने छन् ।

रिपिटेसनमा फोटोग्राफीहरू क्रमशः जम्मा हुँदै डिजिटलिकरणमार्फत हराउँछन् भने रिदमलेसमा नामक भिडियोमा दोहोरिने आवाजहरू दृश्यमा रूपान्तरण हुन्छन् । जसमार्फत पुनरावृत्ति र समयको लम्बाइले सामूहिक बुझाइलाई पुनः संरचना गर्न सक्छ भन्ने प्रश्न दर्शकलाई गर्ने बताइएको छ ।

यो प्रदर्शनी बियुको आर्टुडियो इन्टरनेसनल आर्टिस्ट रेजिडेन्सी (एआईएआर) कार्यक्रमको समापन पनि भएको आयोजकले जानकारी दिएका छन् । यस कार्यक्रमले अन्तर्राष्ट्रिय कलाकारहरूलाई नेपालको सांस्कृतिक र सिर्जनात्मक परिदृश्यसँग जोड्ने उद्देश्य राखिएको आर्टुडियोको भनाइ छ ।