जब ८० वर्षअघि लुटिएको कलाकृति घरजग्गा एजेन्टको विज्ञापनमा देखियो

News Summary

Generated by OK AI. Editorially reviewed.

८० वर्षअघि नाजीहरूले यहुदी कला व्यापारीबाट लुटेको इटालियन चित्रकार जिसेप जिसलान्डीको ‘अ लेडी’ चित्रकला हालै फेला परेको छ।

काठमाडौं । ८० वर्षअघि नाजीहरूले यहुदी कला व्यापारीबाट लुटेको इटालियन चित्रकार जिसेप जिसलान्डीको ‘अ लेडी’ नामक चित्रकला हालै फेला परेको छ । उक्त चित्र घरजग्गा बेच्ने एक एजेन्टको वेबसाइटमा देखिएको हो ।

डच पत्रिका एडीका अनुसार उक्त चित्र हराएको कलाकृतिको सूचीमा थियो । जसलाई ज्याक गौडस्टिक्कर नामक यहुदी कला व्यापारी नाजीहरूले चोरी गरेका थिए ।

दोस्रो विश्व युद्धपछि अर्जेन्टिना गएका वरिष्ठ नाजी अधिकारीको घर विक्रीका लागि राखिएको विज्ञापनमा सो चित्रकला सोफामाथि झुण्ड्याइएको अवस्थामा देखियो । यो चित्रकला फ्रेडरिच काडगेन नामक व्यक्तिको कब्जामा थियो । उनी नाजी अधिकारी हर्मन गोरिङका वित्तीय सहयोगी थिए ।

उनीलगायत अन्य नाजीहरूले गौडस्टिक्करबाट ११०० भन्दा बढी कलाकृतिहरू लुटेका थिए । तीमध्ये केही युद्ध अन्त्यपछि फेला परेका थिए । तर अझै धेरै हराइरहेका छन् ।
यसअघि सोही घरधनीको सामाजिक सञ्जालमा १७औं शताब्दीका डच चित्रकार अब्राहम मिग्नोनले बनाएको अर्को चोरिएको कलाकृति पनि फेला परेको थियो ।

अहिले ‘अ लेडी’ नामक चित्रकला फर्काउन गौडस्टिक्कर परिवारले सहमति जनाएको बीबीसीले बताएको छ ।