ब्याडमिन्टन खेल्दा घाइते भए माग्ने बुढा, फिल्मको काम प्रभावित

News Summary

Generated by OK AI. Editorially reviewed.

अभिनेता केदार घिमिरेले इमाडोलस्थित कोर्टमा ब्याडमिन्टन खेल्दा लडेर दाहिने हातको कुहिनोमा चोट लागेको बताए।
उनी चोटका बाबजुद बुधबार बिहान 'माग्ने राजा' फिल्मको प्रचारप्रसारमा पुगेका थिए।
चोटको उपचारका लागि केदार घिमिरे एभरेस्ट अस्पताल पुगेका छन् र एक्स–रेपछि थप जानकारी थाहा हुने उनले बताए।

काठमाडौं । ब्याडमिन्टन खेल्दा लडेर हातमा चोट लागेपछि अभिनेता केदार घिमिरे ‘माग्ने बुढा’ घाइते भएका छन् ।

मंगलबार इमाडोलस्थित घर नजिकको कोर्टमा ब्याडमिन्टन खेल्दा चिप्लिएर उनी लडेका थिए । दाहिने कुहिनो भुइँमा बज्रिँदा कुममा समस्या देखिएको उनले बताए ।

हातमा ब्यान्डेज बाँधेर उनी केही हलमा पुगेर बुधबार बिहान ‘माग्ने राजा’ फिल्मको प्रचारप्रसारमा पनि गरे । तरपनि असह्य पीडा भएपनि उनी उपचारका लागि एभरेस्ट अस्पताल पुगेका छन् ।

‘दाहिने हातको कुममा समस्या छ । दुःखाइ एकदमै भैरहेको छ’ अनलाइनखबरसँग उनले भने, ‘हातको समस्याले प्रचारप्रसार र छायांकन प्रभावित हुनसक्छ ।’ अरु कुरा, एक्स–रे गरेपछि मात्र थाहा हुने उनले बताए ।

केदार अभिनित फिल्म ‘माग्ने राजा’ अहिले प्रदर्शन भैरहेको छ ।

भएको के हो ?

माग्ने बुढाले बुधबार एभरेस्ट अस्पतालमा उपचार गराए । डाक्टर सम्पूर्ण महर्जनले उनको हातको जाँच गरेका थिए ।

डाक्टरको सल्लाहअनुसार माग्ने बुढाले ४ साता हातको आराम गर्नुपर्नेछ । डाक्टरले उनको दायाँ हातको क्ल्याभिकलमा चिप फ्याक्चर डिस्टलको समस्या भएको बताएका थिए ।