बैंकिङ कसुरका तीन फरार प्रतिवादी पक्राउ

News Summary

Generated by OK AI. Editorially reviewed.

बैंकिङ कसुरको मुद्दामा फरार रहेका तीन प्रतिवादी अम्बिका कुमारी रिजाल, बिक्रम कुमार दमाई र जय सिंह भण्डारी पक्राउ परेका छन्।
काठमाडौं उपत्यका अपराध अनुसन्धान कार्यालय टेकुबाट उनीहरूलाई भक्तपुर, काठमाडौं कलंकी र कोटेश्वरबाट पक्राउ गरिएको हो।
अम्बिकालाई जिल्ला प्रहरी परिसर काठमाडौं, बिक्रमलाई प्रहरी वृत्त बौद्ध र जय सिंहलाई जिल्ला प्रहरी कार्यालय कैलालीमा पठाइएको छ।

१३ भदौ, काठमाडौं। बैंकिङ कसुरको मुद्दामा फरार रहेका तीन प्रतिवादी समातिएका छन् ।

पक्राउ पर्नेहरूमा भक्तपुर नगरपालिका–१ सिर्जनानगर बस्ने धनुषा मिथिला नगरपालिका–८ घर भएकी ४२ वर्षीया अम्बिका कुमारी रिजाल, काठमाडौं गोकर्णेश्वर नगरपालिका–८ आरूबारी बस्ने सर्लाही बरहथवा नगरपालिका–७ घर भएका ३५ वर्षीय बिक्रम कुमार दमाई र काठमाडौं कागेश्वरी मनोहरा नगरपालिका–९ काडाघारी बस्ने बैतडी पाटन नगरपालिका–९६ घर भएका ४३ वर्षीय जय सिंह भण्डारी रहेका छन् ।

काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनीहरुलाई पक्राउ गरेको हो।

बैंकिङ कसूर मुद्दामा विभिन्न अदालतबाट पक्राउ अनुमति प्राप्त भई फरार रहेका उनीहरूमध्ये अम्बिकालाई भक्तपुर नगरपालिका–१ सिर्जनानगरबाट पक्राउ गरिएको हो ।

बिक्रमलाई काठमाडौं महानगरपालिका–१४ कलंकीबाट र जय सिंहलाई काठमाडौं महानगरपालिका–३२ कोटेश्वरबाट पक्राउ गरेको हो।

उनीहरूमध्ये अम्बिकालाई जिल्ला प्रहरी परिसर काठमाडौं, बिक्रमलाई प्रहरी वृत्त बौद्ध र जय सिंहलाई जिल्ला प्रहरी कार्यालय कैलालीमा थप अनुसन्धान तथा कारवाहीको लागि पठाइएको छ ।