२०८२ भदौ २३ गते २१:१४ 
News Summary
Generated by OK AI. Editorially reviewed.- पोखरामा जारी वात्सल्य एभरेष्ट महिला भलिबल लिगमा ललितपुर क्विन्सले लुम्बिनी लाभाजलाई ३–० ले पराजित गर्दै लगातार तेस्रो जित दर्ता गरेको छ।
- ललितपुरले पहिलो सेट २५–१३, दोस्रो सेट २५–२० र तेस्रो सेट २५–२१ ले आफ्नो पक्षमा पार्यो र पट्राथिप सान्त्रकुन प्लेयर अफ द म्याच बनिन्।
- ललितपुर ९ अंकसहित फाइनल नजिक पुगेको छ भने कर्णाली यशविस पनि फाइनलको दाबेदार टोलीको रूपमा रहेको छ।
२३ भदौ, पोखरा । पोखरामा जारी वात्सल्य एभरेष्ट महिला भलिबल लिग (इडब्लुभी) मा ललितपुर क्विन्सले लगातार तेस्रो जित दर्ता गरेको छ ।
पोखरा रंगशालास्थित बहुउद्देश्यीय कभर्डहलमा सोमबार भएको खेलमा लुम्बिनी लाभाजलाई ३–० को सोझो सेटमा पराजित गर्दै ललितपुरले लगातार तेस्रो जित दर्ता गरेको हो ।
ललितपुरले पहिलो सेट २५–१३, दोस्रो सेट २५–२० र तेस्रो सेट २५–२१ ले आफ्नो पक्षमा पार्यो । ललितपुरकी पट्राथिप सान्त्रकुन प्लेयर अफ द म्याच बनिन् ।
लगातार तेस्रो जितसँगै ललितपुर ९ अंकसहित फाइनल नजिक पुगेको छ । लगातार तेस्रो जित नै निकालेको कर्णाली यशविस पनि फाइनलको दाबेदार टोलीको रूपमा छ ।
३ खेलबाट २ अंक जोडेको लुम्बिनी २ र एक अंक जोडेको पोखरा निन्जाज २ खेलअघि नै फाइनल होडबाट बाहिरिएका छन् ।
३ अंक जोडेका मधेश युनाइटेड र काठमाडौं स्पाइकर्सको फाइनल खेल्ने गणितीय सम्भावना बाँकी छ । दुवै टोलीले दुईदुई खेल खेल्न बाँकी छ ।
लिगअन्तर्गत मंगलबार दुई खेल हुनेछन् । पहिलो खेल कर्णाली र मधेशबीच दिउँसो २ बजे सुरु हुनेछ । त्यसपछि ललितपुर र पोखराबीचको खेल हुनेछ ।
प्रतिक्रिया 4