भारत प्रवेश गर्नेक्रममा ७५ जना नेपाली कैदीबन्दी एसएसबीको नियन्त्रणमा

फाइल फोटो

News Summary

Generated by OK AI. Editorially reviewed.

नेपालबाट भागेर भारत प्रवेश गर्न लागेका ७५ जना कैदीबन्दीलाई भारतीय सीमा सुरक्षा बल एसएसबीले नियन्त्रणमा लिएको छ।
नेपालमा जेनजी नेतृत्वको आन्दोलनपछि जेल तोडेर भागेका कैदीहरूले भारत प्रवेश गर्ने प्रयास गर्दा विभिन्न नाकाबाट ७५ जना पक्राउ परेका हुन्।
एसएसबीले भारत-नेपालबीचको १,७५१ किलोमिटर लामो खुला सीमा सुरक्षा जिम्मेवारी पाएको र आन्दोलनपछि सतर्कता बढाएको छ।

२८ भदौ, काठमाडौं । नेपालबाट भागेर भारत प्रवेश गर्न लागेका ७५ जना कैदीबन्दीलाई भारतीय सीमा सुरक्षा बल एसएसबीले नियन्त्रणमा लिएको छ ।

भारतीय अधिकारीहरूलाई उद्धृत गर्दै समाचार संस्था एनएनआईले उल्लेख गरेअनुसार, नेपालमा जेनजी नेतृत्वको आन्दोलनपछि उत्पन्न अशान्तिका बीच जेल तोडेर भागेका कैदीहरूले भारत प्रवेश गर्ने प्रयास गर्दा विभिन्न नाकाबाट हालसम्म ७५ जना पक्राउ परेका हुन् ।

भारतीय गृह मन्त्रालयअन्तर्गतको केन्द्रीय सशस्त्र प्रहरी बलमध्ये एक एसएसबीलाई भारत-नेपालबीचको १,७५१ किलोमिटर लामो खुला सीमा तथा भुटानसँगको ६९९ किलोमिटर सीमा सुरक्षाको जिम्मेवारी दिइएको छ।

नेपालमा भइरहेको आन्दोलनपछि एसएसबी अझ सतर्क बनेको छ ।

भारत र नेपालबीच पाँच भारतीय राज्य (सिक्किम, पश्चिम बंगाल, बिहार, उत्तर प्रदेश र उत्तराखण्ड) हुँदै १ हजार ७५१ किलोमिटर लामो सीमा जोडिएको छ ।