‘गो हर्के गो’, दुई दशक पुरानो गीत किन अहिले चर्चामा ?

News Summary

Generated by OK AI. Editorially reviewed.

द वाइनर्स ब्यान्डको 'गो हर्के गो' गीत सामाजिक सञ्जालमा निकै चर्चित भएको छ।
यो गीत ९० को दशकको मध्यतिर रिलिज भएको 'कन्ट्री पङ्क रक' शैलीको हो र किरण गुरुङले गाएका हुन्।
गीतमा काठमाडौं शहर प्रवेश गरेका हर्के पात्रलाई व्यंग्यात्मक रूपमा सम्बोधन गरिएको छ।

विषय वा प्रसंगले अर्को अर्थ नलागेमा यतिबेला एउटा गीत खुब चलेको छ । गीतको बोल छ, गो हर्के गो.. ।’ सामाजिक सञ्जालमा गीत छ्यापछ्याप्ती हुँदैछ । तपाईं टिकटकमा चाहर्नुहोस् वा फेसबुकमा । इन्स्टादेखि युट्युबसम्म यो गीत सुन्ने ह्वात्तै बढेका छन् ।

गीतमा ‘हर्के’ भन्ने पात्रलाई सम्बोधन गरिएको छ । यो पात्र काठमाडौं शहर प्रवेश गरेका छन् । तर, शहरको जीवनशैलीमा घुलमिल हुन सकेका छैनन् । अनि गीतमार्फत उनलाई भनिएको छ, गो हर्के गो… ।

गो हर्को गो गो
जा हर्के जा जा
हर्के घर जा

९० को दशकको मध्यतिर निस्किएको रमाइलोको खालको ‘कन्ट्री पङ्क रक’ गीत हो । द वाइनर्स नामक ब्यान्डको यो गीत किरण गुरुङले गाएका छन् । यो गीत ब्यान्डको ट्रिब्युट नामक एल्बममा संलग्न छ ।

गीत भने चक बेरीको ‘जोनी बी गुड’ बाट प्रेरित भएको बताइएको छ ।

यो गीत युट्युबमा सुन्न सकिन्छ । जसमा अकोस्टिक र स्टुडियो दुवै भर्सन रहेको छ । गीतको अकोस्टिक भर्सन २००८, सेप्टेम्बर ८ मा रिलिज गरिएको छ भने स्टुडियो १८ मे २०१३ मा । तर यी दुवै युट्युब च्यानल आधिकारिक लाग्दैनन् ।

यो गीतमा हर्कले सारङ्गी जिम्मी हेन्डरिक जस्तो बजाउने, बाबुको सम्पत्ति रित्ताएर ह्विस्की खाने, कुमार बस्नेतले जस्तो रक एन्ड रोल गाउने, टाउकोमा फेटा बाँधी गुन्डाजस्तो हिँड्ने भनेर व्याख्या गरिएको छ ।

यस्तो छ गीतको शब्द,

कहाँ हो हेर्दा खेरी डाँडाकाँडा

काठमाडौं शहरदेखि धेरै टाढा

त्यहाँ रहेछ एउटा हर्के भन्ने

गीत गाउँदा खेरी साह्रै कन्ने

मान्छे हेर्दा खेरी कस्तो-कस्तो

तर बजाउँछ सारङ्गी जिम्मी हेन्डरिक जस्तो

गो गो

गो हर्को गो गो

जा हर्के जा जा

हर्के घर जा

गुन्द्रुके कपाल फिजाई