‘वरिष्ठ बलराम’ले भाइटीका नछाड्ने

News Summary

Generated by OK AI. Editorially reviewed.

फिल्म 'वरिष्ठ बलराम'को प्रदर्शन मिति २१ कात्तिकमा पूर्वनिर्धारित मितिमै हुने निर्देशक सुरेन्द्र पौडेलले स्पष्ट पारेका छन्।
फिल्म 'जारी २' को प्रदर्शन मिति सर्न सक्ने हल्ला आएपछि निर्देशकले पोस्टर सार्वजनिक गरी खण्डन गरेका छन्।
फिल्ममा दयाहाङ राई, विजय बराल, समृद्धि अर्याल लगायतका कलाकारको अभिनय छ र हाल सम्पादनको टेबुलमा छ।

काठमाडौं । फिल्मको प्रदर्शन मिति सर्न सक्ने हल्लालाई खण्डन गर्दै ‘वरिष्ठ बलराम’ले पूर्वनिर्धारित मितिमै हलमा आउने बताएको छ ।

निर्देशक सुरेन्द्र पौडेलले हल्लालाई खण्डन गर्न पोस्टर सार्वजनिक गर्नुपरेको बताए । ‘जारी २’ आउने भएपछि कतिपय विवरणमा फिल्म पोस्टपोन्ड हुन लागेको गसिप चलेको थियो ।

यद्यपी, ‘जारी २’को नयाँ प्रदर्शन मिति २१ कात्तिकलाई तय छ । ‘वरिष्ठ बलराम’को पोस्टरमा दयाहाङ राई र विजय बराल देखिएका छन् । उनलाई क्यारेक्टर मुडमा देख्न सकिन्छ ।

सँगै अन्य कलाकार पनि छन् । दयाहाङ विजयले मुख्य स्थान पाएको पोस्टरमा बाँकी अन्य कलाकारलाई पनि देख्न सकिन्छ । अर्को पोस्टरमा समृद्धि अर्याल पनि फिचर्ड छिन् ।

यतिबेला यो फिल्म सम्पादनको टेबुलमा छ । फिल्ममा पशुपति राई, माओत्से गुरुङ, भोलाराज सापकोटा, रामबाबु रेग्मी, प्रदीप कुमार चौधरी लगायतको पनि अभिनय छ ।

पटकथा महेश दवाडीले लेखेका हुन् । वृषभ सिद्धी इन्टरटेनमेन्टको प्रस्तुतिमा आन्भी फिल्मसको सहकार्य रहेको फिल्ममा आशिष तामाङ र श्रीराज कार्की निर्माता छन् ।