बुसानमा चम्किइन् गौमाया गुरुङ, बिक्यो ‘छोराजस्तै’ फिल्मको ग्लोबल राइट

सियोल । सेल्युलोइड ड्रीम्सले त्रिवेणी राईको डेब्यू कथानक फिल्म ‘सेप अफ मोमो (छोरा जस्तै)को विश्वब्यापी वितरण अधिकार किनेको छ ।

यो फिल्म दक्षिण कोरियामा जारी बुसान अन्तर्राष्ट्रिय फिल्म फेस्टिभलमा विश्व प्रिमियर भएको छ । साथै, सान सेवास्टियन फेस्टिभलको ‘नयाँ निर्देशक’ खण्डमा यसको युरोपेली प्रिमियर हुनेछ ।

हिमालयको परिवेशमा छायांकन गरिएको फिल्मले मुख्य पात्र विष्णुलाई पछ्याउँछ जब उनी जागिर छोडेर आफ्नो पहाडी गाउँ फर्किन्छिन्, तर उनले बढ्दो पारिवारिक दबाब र सामाजिक अपेक्षाको सामना गर्नुपर्छ ।

गर्भवती बहिनीको आगमन र उनको समुदायको ‘उपयुक्त’ केटासँगको नयाँ सम्बन्धले तनाव बढ्दै जाँदा, विष्णुले परम्परा पालना गर्ने वा आफ्नो स्वतन्त्रता दाबी गर्ने मध्ये एक छनौट गर्नुपर्छ ।

यो फिल्म सिक्किमेली फिल्ममेकर राईको लागि फिचर डेब्यू हो । साथै, भारत–दक्षिण कोरियाको सह–निर्माण हो जुन डल्ले खुर्सानी प्रोडक्सनको हो, जसमा गीता राई र किसलेले निर्माण गरेका छन् ।

यस फिल्मले पहिले भारतको एनएफडीसी फिल्म बजारको वर्क-इन-प्रोग्रेस ल्याबमा शीर्ष पुरस्कार जितेको थियो र हङकङ फिल्ममार्टमा हङकङ-एसिया फिल्म फाइनान्सिङ फोरम गोज टु कान्स अवार्ड प्राप्त गरेको थियो ।

महोत्सवको प्रिमियरपछि पेरिसस्थित सेल्युलोइड ड्रीम्सले विश्वव्यापी बिक्रीको व्यवस्थापन गर्नेछ ।

‘त्रिवेणी राईले व्यक्तिगत र राजनीतिक दुवै कथामा कसरी कुशलतापूर्वक भावना मिसाउँछिन् भन्ने कुराले ‘सेप अफ मोमो’ले हामीलाई गहिरो रूपमा प्रभावित गरेको छ’ सेल्युलोइड ड्रीम्सकी सलिहा गुएमराउईले भनिन् ।

फिल्मको शीर्ष भूमिकामा गौमाया गुरुङको अभिनय छ । यसबाहेक श्यामाश्री शेर्पा, जानकी कडायत, पशुपति राई, राहुल मुखियाको पनि अभिनय छ ।