२०८२ असोज ३ गते १९:२२ 
News Summary
Generated by OK AI. Editorially reviewed.- भिसा नआउँदा नेपाली राष्ट्रिय क्रिकेट टोलीको युएई प्रस्थान ढिला भएको छ ।
- नेपाल र वेष्ट इन्डिजबीच सेप्टेम्बर २७ देखि ३० सम्म युएईको शारजहामा तीन खेलको टी२० आई सिरिज हुनेछ ।
- नेपाल क्रिकेट संघ क्यानका सचिव पारस खड्काले भिसाको प्रक्रिया भइरहेको र भिसा आएपछि टोली युएई जाने बताए ।
३ असोज, काठमाडौं । भिसा नआउँदा नेपाली राष्ट्रिय क्रिकेट टोली युएई जान ढिला हुने भएको छ ।
नेपाली क्रिकेट टोली शुक्रबार युएई प्रस्थान गर्ने तयारीमा थियो । तर शुक्रबार बेलुकासम्म पनि नेपाली टोलीको भिसा नबउँदा नेापली टोली उड्न नपाएको नेपाल क्रिकेट संघ क्यानका सचिव पारस खड्काले जानकारी दिए । खड्काले भिसाको प्रोसेस भइरहेको र आउने बित्तिकै युएई जाने बताए ।
जेनजीले गरेको प्रदर्शनका कारण नेपालको पछिल्लो घटनाक्रमपछि युएईले नेपालीलाई भिजिट भिसा दिन रोक लगाएपछि अहिले त्यसको असर क्रिकेट टोलीलाई पनि परेको छ ।
नेपालले पहिलो पटक टेष्ट राष्ट्रसँग टी२०आई सिरिज खेल्न लागेको हो । नेपाल र दुई पटकको टी२० विश्वकप विजेता टिम वेष्ट इन्डिजबीच यही सेप्टेम्बर २७ देखि ३० सम्म युएईको शारजहामा टी२० आई सिरिज हुने तय छ । सिरिजमा तीन खेल हुनेछ ।
क्यानले बिहीबार युएई जाने क्रिकेट टोलीलाई बिदाई गरेको थियो ।
प्रतिक्रिया 4