सलमान खानको फिल्म ‘ब्याटल अफ गलवान’बाट अनुपविक्रम शाहीको बलिउड डेब्यू

News Summary

Generated by OK AI. Editorially reviewed.

नेपाली अभिनेता अनुपविक्रम शाहीले सलमान खान स्टारर फिल्म ‘ब्याटल अफ गलवान’बाट बलिउडमा डेब्यू गरेका छन्।
लद्दाखमा पहिलो फिल्मको सेड्युलको छायांकन सकिएको अनुपले सामाजिक संजालबाट जानकारी दिएका छन्।
फिल्म सन् २०२६ मा रिलिज हुने र १५ जुन २०२० को गलवान घाँटी झडपमा आधारित छ।

काठमाडौं । नेपाली अभिनेता अनुपविक्रम शाहीले सलमान खान स्टारर फिल्म ‘ब्याटल अफ गलवान’बाट बलिउडमा डेब्यू गरेका छन् ।

लद्दाखमा पहिलो फिल्मको सेड्युलको छायांकन सकेको जानकारी उनले दिएका छन् । अपूर्व लाखियाले निर्देशन गरिरहेको यो फिल्मलाई सलमानको ब्यानर सलमान खान फिल्म्सले निर्माण गरिरहेको छ ।

अनुपले यसबारे सामाजिक संजालबाट जानकारी दिएका छन् ।

उनी लेख्छन्, ‘ सलमान खान सरसँग एसकेएफ फिल्म्सद्वारा निर्मित र अपूर्व लाखिया सरद्वारा निर्देशित, लद्दाखमा मेरो डेब्यू बलिउड फिल्मको पहिलो तालिका पूरा गर्न पाउँदा साँच्चै सम्मानित र कृतज्ञ महसुस गर्दैछु । अगाडिको यात्राको लागि उत्साहित छु ।’

भारतीय संचारमाध्यमका अनुसार सलमानले पनि पहिलो चरणको छायांकन सकेर मुम्बई फर्किएका छन् ।

यो फिल्मलाई सन् २०२६ को प्रतीक्षित फिल्म बताइएको छ । जुन १५, २०२० मा गलवान घाँटीमा भएको भारतीय र चिनियाँ सेनाबीच भएको झडपको कथावस्तुमा फिल्म आधारित छ ।

फिल्ममा सलमानले सैनिक अफिसरको रोल निर्वाह गरेका छन् ।