घटस्थापना अवसरमा फिल्म ‘लज्जावती’को शुभसाइत

News Summary

Generated by OK AI. Editorially reviewed.

राजबहादुर सानेको निर्देशनमा बन्ने फिल्म ‘लज्जावती’को पशुपतिनाथ मन्दिर परिसरमा शुभमुहूर्त गरिएको छ।
बडादशैंको पहिलो दिन घटस्थापनामा फिल्मको शुभमुहूर्तसँगै छायांकन सुरु गरिएको हो।
फिल्मको छायांकन ३० दिनको तालिकामा पशुपति आर्यघाटसहितका क्षेत्रमा हुनेछ र प्रदर्शन मिति सम्पादनपछि घोषणा गरिनेछ।

काठमाडौं । राजबहादुर सानेको निर्देशनमा निर्माण हुने फिल्म ‘लज्जावती’को पशुपतिनाथ मन्दिर परिसरमा शुभमुहूर्त गरिएको छ ।

सोमबार बडादशैंको पहिलो दिन घटस्थापनाको अवसर पारेर यो फिल्मको शुभमुहूर्तसँगै छायांकन सुरु गरिएको हो ।

शुभमुहूर्त सटको निर्देशन पटकथाकार प्रदीप भारद्धाजले गरे । कलाकार मुकुन भुषाल, श्रीकृष्ण निरौला, मेनुका माझी र जानुका विश्वकर्माले मुहूर्त सट दिएपछि निर्माता विकास जोशीले नरिवल फुटाएका थिए ।

पशुपति आर्यघाटसहितका क्षेत्रका फिल्मको छायांकन हुने जनाइएको छ । छायांकन तालिका ३० दिन तय गरिएको छ ।

आहा फिल्मस्को व्यानरमा सौरभ वली प्रस्तुतकर्ता रहेको फिल्मका निर्मातामा कमलप्रसाद शर्मा र सन्दीप रोकाया छन् ।

दीपक भण्डारी कार्यकारी निर्माता तथा भीमराज रोकाया सह-निर्माता रहेको फिल्मलाई दिव्यराज सुवेदीले खिच्नेछन् ।

फिल्ममा माओत्से गुरुङ, सुशील पोखरेल, हिउँवाला गौतम, सपना श्रेष्ठ, प्रिया रिजाल, विनोद श्रेष्ठ, केशव रिजाल, रामहरी खड्का लगायतको अभिनय रहने जनाइएको छ ।

सम्पादन कार्य सकिएपछि मात्रै प्रदर्शन मिति घोषणा गरिने निर्माण टिमले जानकारी दिएको छ ।