बिहान ५ बजेदेखि मध्यरातसम्मै शो : बलिदान, माइतीघर, हरिबहादुरको जुत्ताले कति शो पाए ?

News Summary

Generated by OK AI. Editorially reviewed.

फिल्म 'बलिदान'ले दशैंको फूलपाती अवसरमा देशब्यापी १९३ शोज पाएको छ।
फिल्म 'माइतीघर'ले १२१ र 'हरिबहादुरको जुत्ता'ले ११६ शोज पाएका छन्।
हलले बिहान ५ः३० बजेदेखि मध्यरात ११ः५५ बजेसम्म र बिहान ३ बजेसम्म शोज उपलब्ध गराएको छ।

काठमाडौं । दशैंको फूलपाती अवसरमा सोमबारदेखि प्रदर्शन तयारीमा रहेको फिल्म ‘हरिबहादुरको जुत्ता’, ‘बलिदान’ र ‘माइतीघर’लाई हलले शोज विभाजन गरेका छन् ।

शोज विभाजनको अनुपात ४०-३०-३० प्रतिशत देखिन्छ ।

विहिबार दिउँसो १ बजेसम्म प्रकाशित शो तालिका हेर्दा सबैभन्दा धेरै शोज समीर भट्ट स्टारर ‘बलिदान’ले पाएको देखिन्छ ।

सन्तोष सेन निर्देशित फिल्मले देशब्यापी १९३ शोज पाएको छ ।

त्यसपछिको धेरै शो केदार घिमिरे, धीरज मगर स्टारर सोसल ड्रामा ‘माइतीघर’ले पाएको देखिन्छ । मिलन तामाङ निर्देशित फिल्मले १२१ शोज पाएको छ ।

हरिवंश आचार्य स्टारर ‘हरिबहादुरको जुत्ता’ले कूल ११६ शोज पाएको छ ।

शो तालिकाको अन्तिम चित्र भने आइतबारसम्म बेलुका देखिनेछ । अझै पनि सबै शोज तालिका सार्वजनिक भैसकेको छैन ।

हलले सबेरै बिहान ५ः३० बजेदेखि मध्यरात ११ः५५ बजेसम्म शो दिएका छन् । अन्तिम शो छुट्दा बिहानको ३ बज्नेछ । २ घण्टा लगत्तै बिहानको अर्को शो सुचारु हुनेछ ।

यसरी हेर्दा, हलले झण्डै २४ घण्टा नै शोज उपलब्ध गराएको देखिन्छ ।