पूर्वसभामुख सापकोटाले फिर्ता गरे सरकारी गाडी

फाइल फोटो

News Summary

Generated by OK AI. Editorially reviewed.

पूर्वसभामुख अग्नि सापकोटाले बुधबार सरकारी गाडी फिर्ता गरेका संघीय संसद सचिवालयका प्रवक्ता एकराम गिरीले बताए।
सरकारले खर्च कटौती र मितव्ययिता कायम गर्न पूर्व पदाधिकारीहरूलाई सरकारी सवारी साधन फिर्ता गर्न भनेको थियो।
पूर्वसभामुख ओनसरी घर्ती, कृष्णबहादुर महरा र राष्ट्रिय सभाका पूर्वअध्यक्ष गणेश तिमल्सिनाले पनि सरकारी गाडी फिर्ता गरिसकेका छन्।

२२ असोज, काठमाडौं । पूर्वसभामुख अग्नि सापकोटाले सरकारी गाडी फिर्ता गरेका छन् ।

पूर्वसभामुख सापकोटाले प्रयोग गर्दै आएको सरकारी गाडी बुधबार फिर्ता गरेका संघीय संसद सचिवालयका प्रवक्ता एकराम गिरीले बताए ।

सरकारले खर्च कटौती र मितव्ययिता कायम गर्न भन्दै पूर्व पदाधिकारीहरूलाई सरकारी सवारी साधन फिर्ता गर्न भनेको थियो ।

सोही अनुसार पूर्वसभामुख सापकोटाले बुधबार संघीय संसदलाई गाडी बुझाएका सचिवालयका प्रवक्ता गिरीले जानकारी दिए ।

यसअघि पूर्वसभामुखद्वय ओनसरी घर्ती र कृष्णबहादुर महरा पनि गाडी फिर्ता गरेका थिए । यस्तै राष्ट्रिय सभाका पूर्वअध्यक्ष गणेश तिमल्सिनाले पनि गाडी फिर्ता गरिसकेका छन् ।

सचिवालयका अनुसार अब पूर्वसभामुख तारानाथ रानाभाटले मात्र सरकारी गाडी फिर्ता गर्न बाँकी छ ।

मन्त्रिपरिषद्को निर्णयअनुसार उनीहरूले सरकारी गाडी प्रयोग गर्दै आएका थिए ।

पदबाट हटिसक्दा पनि सरकारी गाडी प्रयोग गरेको भन्दै पूर्व पदाधिकारीहरूको जनस्तरमा आलोचना हुने गरेको छ ।