२५ असोज, काठमाडौं । मौसमी प्रणाली बाहिरिएसँग तापक्रम भने घट्न थालेको छ । मौसम सफा रहे पनि चिसो बढ्न थालेको हो ।
मौसम विज्ञान विभागका अनुसार काठमाडौंसहित देशैभरको तापक्रम क्रमिक रुपमा घटिरहेको छ । तापक्रम घटेका कारण बिहान र साँझको समयमा जाडो महसुस हुन थालेको छ ।
शनिबार बिहान हुम्लाको न्यूनतम तापक्रम -१.३३ रहेको छ । उपल्लो हुम्लामा हिमपात भएका कारण तापक्रम घटेको हो । हिमपातका कारण हुम्लाको न्यालु सडकखण्ड नै अवरुद्ध भएको छ ।
यस्तै जुम्लाको तापक्रम पनि घट्न थालेको छ । हाल जुम्लाको तापक्रम ३.१ मा झरेको छ ।
शनिबार बिहान काठमाडौंको न्यूनतम तापक्रम १४.५ डिग्री सेल्सियस छ । यो तापक्रम शुक्रबारको तुलनामा घटेको हो । शुक्रबारको न्यूनतम तापक्रम १५.६ डिग्री सेल्सियस थियो । यो अझै घट्ने क्रममा छ ।
केही दिनअघिसम्म नेपालमा उल्लेखनीय वर्षा भएको थियो र तापक्रम पनि बढी नै थियो । वर्षाका कारण पूर्वी नेपालमा ठूलो क्षति भएको थियो ।
हाल भने मौसम नेपालका सबै भू-भागबाट बाहिरिएको छ । शनिबार पूर्वी नेपालका एक-दुई स्थानमा हल्का वर्षाको सम्भावना भए पनि देशका बाँकी भू-भागमा मौसम मुख्यतया सफा रहने मौसम पूर्वनुमान महाशाले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4