‘कान्तरा २’ अक्टोबर ३० मा अमेजन प्राइममा भिडियोमा

News Summary

Generated by OK AI. Editorially reviewed.

दक्षिण भारतीय फिल्म 'कान्तरा च्याप्टर १' ले विश्वब्यापी ७२५ करोड भारु कमाएको छ।
भारतीय बक्सअफिसमा यसले अहिलेसम्म ४९४ करोड भारु कलेक्सन गरेको छ।
फिल्म अक्टोबर ३०, २०२५ मा अमेजन प्राइम भिडियोमा डिजिटल रिलिज हुने अपेक्षा गरिएको छ।

मुम्बई । ऋषभ शेट्टी स्टारर दक्षिण भारतीय फिल्म ’कान्तरा च्याप्टर १’ ले बक्स अफिसमा आफ्नो उत्कृष्ट दौडलाई जारी राखेको छ ।

फिल्मले विश्वब्यापी ७२५ करोड भारु कमाएको छ । भारतीय बक्सअफिसमा अहिलेसम्म ४९४ करोड भारु कलेक्सन छ । यो फिल्मले नेपाली बक्सअफिसमा १० करोड ग्रसको आँकडा पार गर्ने अनुमान छ ।

’थामा’ रिलिज हुनुभन्दा अगाडि यसले अझ राम्रो कमाई गर्नको लागि अर्को सप्ताहन्त बाँकी छ, तर दीपावलीपछि यसको गति सुस्त हुन सक्छ र नयाँ रिलिजबाट यसले कडा प्रतिस्पर्धाको सामना गर्न सक्छ ।

हलमा फिल्म चलिरहँदा यसको डिजिटल रिलिजको कुरा पनि सामुन्ने आएको छ ।

प्रारम्भिक रिपोर्टअनुसार, यो फिल्म अमेजन प्राइम भिडियोमा स्ट्रिम हुने अपेक्षा गरिएको छ र कन्नड, तमिल, तेलुगु र मलयालमसहित धेरै भारतीय भाषाहरूमा उपलब्ध हुनेछ ।

हिन्दी डब गरिएको संस्करण रिलिज भएको लगभग ८ हप्ता पछि आउन सक्ने अनुमान छ । यद्यपि स्ट्रिमिङ प्लेटफर्मले अहिलेसम्म कुनै आधिकारिक घोषणा गरेको छैन ।

सामान्यतया, हल र ओटीटी रिलिज बीचको समय अन्तर छ-आठ हप्ताको बीचमा हुन्छ । ’कान्तरा च्याप्टर १’ को डिजिटल रिलीज मिति अक्टोबर ३०, २०२५ रहेको बताइएको छ ।