४५ वर्षिया टिभी स्टार किम कार्दशियनलाई ‘ब्रेन एन्युरिज्म’ !

लस एन्जलस । प्रसिद्ध अमेरिकी टिभी सेलिब्रेटी किम कार्दशियनले आफ्नो स्वास्थ्यको बारेमा दिएको पछिल्लो खुलासाले प्रशंसक स्तब्ध बनेका छन् ।

उनको रियालिटी श्रृंखला ’किङ अफ द कार्दशियन्स’ को नयाँ सिजनको टिजरमा, किम एमआरआई स्क्यानरमा जाँदै गरेको र पछि परिवारलाई ’सानो एन्युरिज्म’ भएको बताउँदै गरेको देखिन्छ ।

उनकी दिदी कोर्टनी कार्दशियन यो सुनेर छक्क पर्छिन् । टिजरमा किम कार्दशियनको स्वास्थ्यको बारेमा पनि चिन्ता व्यक्त गरिएको छ ।

टिजरमा कार्दशियनले थप खुलासा गरेकी छिन् कि डाक्टरले तनावलाई एन्युरिज्मको कारण बताएका छन् । ‘डाक्टरहरूले तनावको कारण यस्तो भएको बताएका छन्’ किम भन्छिन् ।

किमले अहिले आफू कानून विषयको अध्ययनसहित विभिन्न दबाबहरूसँग जुधिरहेको बताइन् । उनले कानुन विषयको परीक्षा दिइरहेको र भावुक भएको देखाइएको छ ।

क्लिपमा, किमले आफ्ना पूर्वपति कान्ये वेस्टको पनि उल्लेख गरेकी छन् । कान्येसँग उनका ४ सन्तान छन् । उनी आफ्नो पूर्वपतिसँगको सम्बन्धविच्छेदको बारेमा पनि सोचिरहेकी देखिन्छिन् । उनी रुँदै भन्छिन्, ‘म खुसी छु कि यो सकियो । जे भए पनि, मेरो पूर्व श्रीमान मेरो जीवनमा रहिरहनेछन् । हाम्रा चार सन्तान छन् ।’ पछि, उनी निराश हुँदै थप्छिन्, ‘हिजो राती पनि म सोचिरहेकी थिएँ कि यो किन भइरहेको छ ।’

ब्रेन एन्युरिज्म भनेको के हो ?

ब्रेन एन्युरिज्म भन्नाले मस्तिष्कको रक्तनली फुल्ने वा सरल भाषामा भन्नुपर्दा, बेलुन जस्तो गाँठोलाई बुझाउँछ । मेयो क्लिनिकका अनुसार, धेरैजसो ब्रेन एन्युरिज्महरू साना हुन्छन् र गम्भीर हुँदैनन् ।

यीमध्ये धेरैजसो फुट्दैनन् । यद्यपि, एन्युरिज्म चुहिन थाल्यो वा फुट्यो भने, यसले मस्तिष्कमा रक्तस्राव निम्त्याउन सक्छ, जुन जीवनको लागि खतरा हुन सक्छ ।

जे भए पनि, यो कार्दशियनका फ्यान र परिवारको लागि चिन्ताको विषय हो । “किपिङ अप विथ द कार्दशियन्स“ को सिजन ७ को प्रिमियरको सुरुमा, उनले सोरायसिसबाट पीडित भएको खुलासा गरेकी थिइन् ।

उनले भनिन्, ‘सम्बन्धविच्छेद पछि मलाई सोरायसिस भएको छैन, र यो अचानक फिर्ता आयो । मलाई बढी तनाव महसुस भयो, सायद मलाई धेरै आवश्यक पर्ने चीजको सुरक्षा गर्नुपरेको थियो ।’

किमले आफ्ना चार छोराछोरी, नर्थ (१२), सेन्ट (९), शिकागो (७) र साम (६) लाई नकारात्मक प्रभावबाट जोगाउनुपर्ने समेत बताएकी छन् ।

उनले आफ्ना छोराछोरी हुर्किरहेको र अन्ततः आफैंले कुराहरू सिक्ने र बुझ्ने बताइन् । ‘त्यसैले आमाको रूपमा मेरो भूमिका कठिन समयमा उनीहरू सुरक्षित छन् भनी सुनिश्चित गर्नु हो’ उनले भनेकी छन् ।