शहरी विकास मातहतका थप ९ ठेक्का तोडिँदै, अधिकांश स्वास्थ्य चौकी

News Summary

Generated by OK AI. Editorially reviewed.

शहरी विकास मन्त्रालय मातहतको सघन शहरी तथा भवन निर्माण आयोजनाले ९ वटा निर्माण ठेक्का तोड्ने प्रक्रिया सुरु गरेको छ।
ठेक्का तोडिनेमा धादिङ र रसुवाका स्वास्थ्य चौकी भवन, धार्मिक क्षेत्र र पूर्वाधार निर्माण परियोजना रहेका छन्।
निर्माण कम्पनीलाई ७ दिनभित्र जवाफ नदिए कारबाही गरिने चेतावनी आयोजनाले दिएको छ।

१२ कात्तिक, काठमाडौं । शहरी विकास मन्त्रालय मातहतका थप ९ ठेक्का तोडिने भएको छ । मन्त्रालय अन्तर्गतको सघन शहरी तथा भवन निर्माण आयोजना धादिङले बुधबार एक सूचना प्रकाशित गर्दै निर्माण कम्पनीसँग ७ दिन भित्र ठेक्का किन नतोड्ने ? भन्ने जवाफ माग गरेको छ ।

निर्माण कम्पनीहरूलाई आयोजनाले पटक पटक ताकेता गर्दा समेत काम नगरेको र निर्माणको प्रगति समेत सन्तोषजनक नरहेको भन्दै सो सूचना जारी गरेको हो । ७ दिनभित्र स्पष्ट जवाफसहित उपस्थित हुन भनिएको छ ।

त्यसो नगरे ठेक्का सम्झौताको शर्त बमोजिम कारबाही हुने चेतावनी आयोजनाले दिएको छ । यसरी सूचना जारी भएको ठेक्कामा मुलपानी, गुम्दी, कटुन्जे र भोगटेनी स्वास्थ्य चौकी भवन निर्माण धादिङ रहेका छन् ।

कुम्पुर स्वास्थ्य चौकी पुनर्निर्माण धादिङ, हाकु, स्याफ्रुवेसी, ठूलोगाउँ र राम्चे स्वास्थ्य चौकी भवन रसुवाको ठेक्का समेत तोड्ने प्रक्रिया थालिएको छ । गोगनपानी, साकोस र त्रिपुरेश्वर स्वास्थ्य चौकी भवन निर्माण धादिङको ठेक्का तोडिँदैछ ।

टुल्कुछोलिङ गुम्बा पुनर्निर्माण रसुवा र वृहत राजधानीको अवधारणामा नुवाकोट जिल्लामा शहरी पूर्वाधार निर्माणको ठेक्का समेत तोडिने भएको छ । धुन्चे सिटी हल, स्फटिक खम्बा आगिन्चोक धार्मिक पुरातात्विक पर्यटकीय क्षेत्र पूर्वाधार निर्माण धादिङ र एकीकृत रसुवा भन्सार कार्यालय निर्माणको ठेक्का समेत तोडिँदैछ ।