२०८२ कात्तिक १३ गते १२:१० 
News Summary
Generated by OK AI. Editorially reviewed.- नेपाल प्रिमियर लिगको दोस्रो संस्करणका लागि गोल्छा ग्रुपको पल्सर बाइक 'टु ह्विलर पार्टनर' बनेको छ।
- गोल्छा ग्रुपले सर्वाधिक रन, सर्वाधिक विकेट र ईमर्जिङ प्लेअरलाई एक-एक मोटरबाइक दिनेछ।
- एनपीएल आगामी मंसिर १ देखि २७ सम्म आयोजना हुने तयारी अन्तिम चरणमा पुगेको क्यान सचिव पारस खड्काले बताए।
१३ कात्तिक, काठमाडौं । नेपाल प्रिमियर लिग (एनपीएल) को दोस्रो संस्करणका लागि गोल्छा ग्रुपको पल्सर बाइक ‘टु ह्विलर पार्टनर’को रुपमा जोडिएको छ ।
पल्सर र एनपीएल आयोजक नेपाल क्रिकेट संघ (क्यान) बीच बिहीबार यस सम्बन्धी सम्झाैता भएको हो । गोल्छा ग्रुपका निर्देशक अभिमन्यु गोल्छा र क्यान सचिव पारस खड्काले सम्झाैतापत्रमा हस्ताक्षर गरे ।
सम्झाैता अनुसार गोल्छा ग्रुपले एनपीएलमा तीन मोटरबाईक प्रदान गर्नेछ । एनपीएलमा सर्वाधिक रन बनाउने, सर्वाधिक विकेट लिने र ईमर्जिङ प्लेअरलाई एक-एक थान मोटरबाईक दिने गोल्छा ग्रुपका निर्देशक अभिमन्यु गोल्छाले जानकारी दिए ।
अभिमन्युले एनपीएलसँग जोडिन पाउँदा खुशी लागेको बताए । यस्तै क्यान सचिव पारस खड्काले पल्सरसँगको सहकार्यले क्रिकेट विकासमा सहयोग पुग्ने बताए ।
क्यान सचिव पारस खड्काले एनपीएलको दोस्रो संस्करणको तयारी अन्तिम चरणमा पुगेको बताए । ‘तयारीको अन्तिम चरणमा पुगेका छाैँ । प्रतियोगिता सुरु हुनु केही दिनअघि हामी पत्रकार सम्मेलन गरेर सम्पूर्ण जानकारी गराउनेछाैं’ उनले भनेका छन् ।
उनले यसपटक एनपीएल अझ व्यवस्थित ढंगले आयोजना गरिने जानकारी दिए । एनपीएल आगामी मंसिर १ देखि २७ सम्म हुँदैछ ।
प्रतिक्रिया 4