+
+
Shares

प्रशंसा बटुल्दै ‘परान’, हलको संख्यामा वृद्धि

अनलाइनखबर अनलाइनखबर
२०८२ कात्तिक १७ गते १९:३९

News Summary

Generated by OK AI. Editorially reviewed.
  • फिल्म ‘परान’ले मर्मस्पर्शी पारिवारिक कथा प्रस्तुत गर्दै दर्शकबाट सुखद प्रतिक्रिया पाएको छ।
  • निर्देशक दीपकप्रसाद आचार्यको डेब्यू निर्देशनमा बनेको फिल्मले कथावस्तु, अभिनय र प्रस्तुतिको कारण प्रशंसा बटुलेको छ।
  • फिल्मले परिवारको अर्थ, बाबुछोराको सम्बन्ध र पूँजीवादले खलबलिएका नेपाली परिवारको द्वन्द्वलाई समेटेको छ।

काठमाडौं । प्रदर्शनरत फिल्म ‘परान’ले दर्शकबाट पनि सुखद प्रतिक्रिया प्राप्त गरिरहेको छ ।

मर्मस्पर्शी पारिवारिक कथा पेश गर्ने फिल्म हेरेर दर्शक भक्कानिएको भिडियोहरू सामाजिक सञ्जालमा सेयर भैरहेका छन् । हेरेकाले मुक्तकण्ठले प्रशंसा गरिरहेका छन् ।

टिभी श्रृंखला ‘सक्किगो नि’मा ‘काकु’ नामको पात्रमार्फत चिनिएका दीपकप्रसाद आचार्यको डेब्यू निर्देशन रहेको फिल्मले आफ्नो कथावस्तु, अभिनय र प्रस्तुतिको कारण प्रशंसा बटुलेको छ ।

प्रतिक्रिया जनाउने क्रममा डेब्यू निर्देशनमै उत्कृष्ट काम देखिएको दर्शकको भनाइ छ । केन्द्रीय भूमिकामा रहेका नीर शाहको कामलाई पनि उत्तिकै मनपराइएको छ । अन्य कलाकारले पनि आफ्नो कामका लागि प्रशंसा बटुलेका छन् ।

रिलिजको अघिल्लो दिन भएको प्रिमियरमा पनि कलाकार, व्यवसायीका साथमा पत्रकार तथा सम्पादकले फिल्मलाई नेपाली माटो, समाज र हरेक नेपाली घरको भावना समेटेको फिल्मको रूपमा प्रशंसा गरेका थिए ।

उद्योगपति शेखर गोल्छाको प्रिज्मा एडभर्टाइजिङका प्रमुख रञ्जित आचार्यसँगको सह-स्वामित्वमा रहेको बाइस्कोप सिनेमाजको ब्यानरमा फिल्म निर्माण भएको हो ।

सुरुवाती दिनमा अपेक्षाभन्दा न्यून ओपनिङ गरेपनि सप्ताहन्तपछिका दिनमा भने अकुपेन्सीमा वृद्धि भएको देखिन्छ । सोमबारदेखि फिल्मले पिकअप लिएकोले निर्माण पक्षसमेत हौसिएको छ ।

हल संख्या समेत बढेको निर्माताले जनाएका छन् । दर्शकले कथा र प्रस्तुतिलाई मनपराएका छन् । कथावाचनको लयले दर्शकलाई भावनात्मक रूपमा बाँध्दै लगेर कहिले हसाउँछ, कहिले सोचमग्न बनाउँछ, कहिले नोस्टाल्जिक बनाउँदै भक्कानिनेसम्म बनाउँछ ।

आफू जन्मिएको, हुर्किएको ठाउँभन्दा पर पुगेकालाई यसले अझ भावनात्मक बनाउने काम गरेको छ ।

यसले परिवारको अर्थ, बाबुछोराको सम्बन्ध, पूँजीवादले खलबलिएका नेपाली परिवार, दुई पुस्ताबीच सोच र सपनाले उत्पन्न हुने परिस्थितिका द्वन्द्वका कुरालाई फिल्ममा समेटिएको छ ।

फिल्ममा नीर शाह, पूजा चन्द, मदनकृष्ठ श्रेष्ठ, केकी अधिकारी, अञ्जना बराइली, प्रवीण खतिवडा, महेश त्रिपाठी, बुद्धि तामाङको शीर्ष अभिनय छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?