दुर्गेश थापा डालसमा गुञ्जिने

News Summary

Generated by OK AI. Editorially reviewed.

गायक दुर्गेश थापाले अमेरिकाको टेक्सास राज्यको डालसमा १५ नोभेम्बर शनिबार 'दुश्मन हेरेको हेर्‍यै' सांगीतिक टूर अन्तर्गत प्रस्तुति दिनेछन्।
डालसको सफायर इभेन्ट हलमा राजेशपायल राई, किरण गजमेर, इन्द्र शाह, छविराज सुनार र डीजे राईले पनि प्रस्तुति दिनेछन्।
दुर्गेशले अस्टिन, न्यूयोर्क सिटी, ह्यारिसबर्ग, पिट्सबर्ग, मनसास र बाल्टिमोरमा प्रस्तुति दिइसकेका छन् र अब लस एन्जलस, ओहायो, कोलोराडो, सन-फ्रान्सिस्कोमा कार्यक्रम तय छ।

काठमाडौं । ‘दुश्मन हेरेको हेर्‍यै’ सांगीतिक टूरको क्रममा अमेरिकामा रहेका गायक दुर्गेश थापा टेक्सास राज्यको डालसमा गुञ्जिने भएका छन् ।

अमेरिकी समयानुसार १५ नोभेम्बर शनिबार उनले डालसमा प्रस्तुति दिने तय भएको हो ।

स्थानीय सफायर इभेन्ट हलमा हुने कार्यक्रममा राजेशपायल राई, किरण गजमेर, इन्द्र शाह, छविराज सुनार र डीजे राईले पनि प्रस्तुति दिनेछन् ।

दुर्गेशले यसअघि अस्टिन, न्यूयोर्क सिटी, ह्यारिसबर्ग, पिट्सबर्ग, भर्जिनियाको मनसास र बाल्टिमोरमा प्रस्तुति दिइसकेका छन् ।

अब लस एन्जलस, ओहायो, कोलोराडो, सन-फ्रान्सिस्कोमा उनले प्रस्तुति दिने कार्यक्रम छ । ‘अहिलेसम्मका सबै कार्यक्रम भब्यरुपमा सफल भएका छन्’ अनलाइनखबरसँग दुर्गेशले भने ।

उनको गीत ‘दुश्मन हेरेको हेर्‍यै’ युट्युब र स्पोटीफाईको ग्लोबल ट्रेन्डिङमा समावेश गीत हो । यो गीतकै नामबाट उनको अमेरिकी सांगीतिक टूरको नामाकरण गरिएको छ ।