पुनर्निर्माण कोषमा नेसनल लाइफ इन्स्योरेन्सको १ करोड सहयोग

News Summary

Generated by OK AI. Editorially reviewed.

नेसनल लाइफ इन्स्योरेन्स कम्पनीले भौतिक पूर्वधार पुनर्निर्माण कोषमा १ करोड रुपैयाँ आर्थिक सहयोग प्रदान गरेको छ।
कम्पनी प्रमुख कार्यकारी अधिकृत सुरेशप्रसाद खत्री र नायब महाप्रबन्धक प्रज्वल सायमीले उक्त रकम अर्थमन्त्री रामेश्वरप्रसाद खनाललाई हस्तान्तरण गरे।
कम्पनीले आफ्नो सामाजिक उत्तरदायित्व अन्तर्गत प्रत्येक आर्थिक वर्ष खुद मुनाफाको एक प्रतिशत रकम सामाजिक उत्तरदायित्व कोषमा जम्मा गर्दै आएको छ।

१९ कात्तिक, काठमाडौं । सरकारले गठन गरेको भौतिक पूर्वधार पुर्ननिर्माण कोषमा नेसनल लाइफ इन्स्योरेन्स कम्पनीले १ करोड रुपैयाँ आर्थिक सहयोग प्रदान गरेको छ ।

भदौ २३ र २४ गते भएको जेनजी प्रदर्शन र आन्दोलनको क्रममा देशभरका सार्वजनिक भौतिक संरचनामा भएको क्षतिको पुनर्निर्माण, आर्थिक पुनरुत्थान तथा राहत लगायत कार्यको लागि कोषमा १ करोड सहायता प्रदान गरिएको कम्पनीले जनाएको छ ।

उक्त रकम बराबरको चेक कम्पनी प्रमुख कार्यकारी अधिकृत सुरेशप्रसाद खत्री र नायब महाप्रबन्धक प्रज्वल सायमीले विशेष कार्यक्रममा अर्थमन्त्री रामेश्वरप्रसाद खनाललाई हस्तान्तरण गरे ।

कम्पनीले आफ्नो संस्थागत सामाजिक उत्तरदायित्व अन्तर्गत उक्त सहयोग रकम उपलब्ध गराएको हो । प्रमुख कार्यकारी अधिकृत खत्रीले विगतमा पनि शिक्षा, स्वास्थ्य, दैवीप्रकोप व्यवस्थापन तथा वातावरण संरक्षण लगायत क्षेत्रमा आर्थिक सहयोग उपलब्ध गराइँदै आएको उल्लेख गरे ।

कम्पनीले यस प्रयोजनको लागि नियामक निकायबाट जारी निर्देशन अनुसार प्रत्येक आर्थिक वर्ष खुद मुनाफाको एक प्रतिशत रकम छुट्याई संस्थागत सामाजिक उत्तरदायित्व कोषमा जम्मा गर्दै आएको छ ।