२०८२ कात्तिक २३ गते १०:०७ 
News Summary
Generated by OK AI. Editorially reviewed.- जेम्स थण्डरबोल्टले नेपाल स्कुल फुटबल लिगको फाइनलमा एलए स्नोलिणपार्ड्सलाई ४-३ ले हराएर उपाधि जितेको छ।
- जेम्स थण्डरबोल्टले नगद ५ लाख र ट्रफी जितेको छ भने एलएले २ लाख ५० हजार प्राप्त गरेको छ।
- एलएका देवराज कटुवाल मोस्ट भ्यालुएबल प्लेअर र अनुप खत्री सर्वाधिक गोलकर्ता घोषित भएका छन्।
२३ कात्तिक, काठमाडौं । जेम्स थण्डरबोल्टले नेपाल स्कुल फुटबल लिग (एनएसएफएल) को उपाधि जितेको छ ।
ललितपुरको थापाखेलस्थित थन्डरबोल्ट्स डेभलपमेन्ट सेन्टरको मैदानमा शनिवार भएको फाइनलमा जेम्स थण्डरबोल्टले एलए स्नोलिणपार्ड्सलाई ४-३ ले हराएर उपाधि जितेको हो ।
जेम्स थण्डरबोल्टमा ग्रेमन श्रेष्ठले दुई तथा सर्पित लिम्बु र आर्यन अमात्यले समान एक गोल गरे ।
एलएका लागि अनुप खत्रीले दुई तथा देवराज कटुवालले एक गोल गरे ।
च्याम्पियन जेम्सले नगद ५ लाख सहित ट्रफी जित्यो । यस्तै उपविजेता एलएले २ लाख ५० हजार हात पार्यो ।
व्यक्तिगत तर्फ भने एलएका खेलाडी हावी रहे । एलएका देवराज कटुवाल प्रतियोगिताको मोस्ट भ्यालुएबल प्लेअर घोषित भए । यस्तै एलएका कप्तान अनुप खर्त्री सर्वाधिक गोलकर्ता बने । उनले सर्वाधिक १७ गोल गरेका थिए । आरबीएल रेडपान्डाजका रुहान भट्ट उत्कृष्ट गोलकिपर घोषित भए ।
थन्डरबोल्ट्स डेभलपमेन्ट सेन्टर (टिडीसी)को आयोजनामा भएको यस प्रतियोगितामा उपत्यकाका ८ स्कुलका टिमले प्रतिस्पर्धा गरेका थिए । जसमा १८ वर्षमुनीका खेलाडीहरुले खेलेका थिए ।
विकेण्डको अवधारणामा लिगका खेलहरु खेलाइएको थियो ।
नियमित अन्तरविद्यालय प्रतियोगिता नहुँदा विद्यार्थीहरूलाई प्रतिस्पर्धात्मक अवसर नपाएको अवस्थालाई मध्यनजर गर्दै टिडीसीले स्कुल फुटबल लिग आयोजना गरेको हो ।
प्रतिक्रिया 4