१ मंसिर, काठमाडौं । राजदूत फिर्ताको निर्णय यथास्थितिमा राख्न सर्वोच्च अदालतले दिएको आदेश कार्यान्वयन नगरेको भन्दै प्रधानमन्त्री सुशीला कार्कीविरुद्ध सर्वोच्च अदालतमा अवहेलनाको कारबाहीको निवेदन दर्ता भएको छ ।
अधिवक्ता प्रेमराज सिलवालले फैसला कार्यान्वयन नगर्ने प्रधानमन्त्री कार्कीलाई अवहेलनामा कारवाही गर्नुपर्ने माग राखी सर्वोच्चमा निवेदन दिएका हुन् । सर्वोच्च अदालतले आगामी आईतबार(७ मंसीर)मा निवेदनमाथि प्रारम्भिक सुनुवाइको मिति तोकेको छ ।
सरकारले गत महिना ११ मुलुकका राजदुतहरुलाई फिर्ता बोलाएको थियो । त्यसविरुद्ध परेको रिट निवेदनमा सर्वोच्च अदालतले निर्णय कार्यान्वयन नगरी यथास्थितिमा राख्नु भनी आदेश दिएको थियो ।
तर सरकारले ती राजदुतहरुलाई नेपालमा फिर्ता बोलाएर परराष्ट्र मन्त्रालयबाट नै कामकाज गर्नु भनी निर्देशन दिएको छ । तर, ती राजदूतहरूको पद खोसिएको भने छैन । फिर्ता बोलाइएकामध्ये दुई जना राजदूतहरूले राजीनामा दिइसकेका छन् ।
अदालतले दिएको आदेश उल्लंघन गरेको दाबीसहित अधिवक्ता सिलवालले अवहेलनाको कारबाहीको निवेदन पेश गरेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale at Ochu Height")
.jpg "Duplex House for Sale in Tikathali")
प्रतिक्रिया 4