‘परान’ बन्यो धेरै कमाउने छैटौं नेपाली फिल्म, ‘छक्कापञ्जा १’ लाई उछिन्यो

News Summary

Generated by OK AI. Editorially reviewed.

फिल्म 'परान' ले प्रदर्शनको ३० दिनमा १६ करोड १६ लाख ७७ हजार ५५८ नेरु ग्रस कमाइ गरेको छ।
फिल्मले ५ लाख ६९ हजार ७५४ टिकट बिक्री गरी नेपाली फिल्म इतिहासमा छैटौं सर्वाधिक कमाउने फिल्म बनेको छ।
'परान' ले 'छक्कापञ्जा १' र 'महाजात्रा' को लाइफटाइम कलेक्सनलाई उछिनेको छ।

काठमाडौं । नीर शाह स्टारर फिल्म ‘परान’ ले घरेलु बक्सअफिसमा एकपछि अर्को कीर्तिमान रचिरहेको छ । फिल्मले प्रदर्शनको ३० दिन (१३ मंसिरसम्म) १६ करोडभन्दा धेरै कमाइ गरेको छ ।

सिनेपाः बक्सअफिसमा पछिल्लो शनिबारसम्म फिल्मको ग्रस कमाई १६ करोड १६ लाख ७७ हजार ५५८ नेरु ग्रस छ । फिल्मले ५ लाख ६९ हजार ७५४ टिकट बेचेको छ ।

योसँगै फिल्म ‘परान’ नेपाली फिल्मको इतिहासमा सर्वकालिन छैटौं धेरै कमाउने फिल्म बनेको छ । फिल्मले पछिल्लो सप्ताहन्तमा ‘छक्कापञ्जा १’ र ‘महाजात्रा’ को लाइफटाइम कलेक्सनलाई पनि उछिनेको छ ।

‘छक्कापञ्जा १’ को कूल कमाई १६ करोड १० लाख २२ हजार ३५० नेरु ग्रस थियो । ‘महाजात्रा’ को कूल कमाई १५ करोड ६७ लाख ९९ हजार ६१४ नेरु ग्रस थियो ।

‘परान’ भन्दा धेरै कमाउने फिल्ममा पूर्णबहादुरको सारंगी, कबड्डी ४, १२ गाउँ, छक्कापञ्जा ४ र जारी मात्र छन् ।