नर्सिङ सुन्दरीको प्रतियोगिता ‘मिस नेपाल पिस’ को आवेदन आह्वान

News Summary

Generated by OK AI. Editorially reviewed.

सौन्दर्य प्रतियोगिता 'मिस नेपाल पिस' को नयाँ संस्करण डिसेम्बर २० गतेबाट सुरु हुने आयोजक नेक्स्ट मोडल्सले विज्ञप्ति जारी गरी जानकारी दिएको छ।
प्रतियोगितामा १७ देखि २८ वर्षसम्मका नर्स तथा नर्सिङ अध्ययनरत युवतीले भाग लिन सक्नेछन् र आवेदन फारम 'खल्ती' एपमा उपलब्ध छ।
प्रतियोगिताको विजेताले नगद एक लाख र थाइल्यान्ड, चीन, भियतनाममा आयोजना हुने अन्तर्राष्ट्रिय प्रतियोगितामा नेपालको प्रतिनिधित्व गर्ने अवसर पाउने आयोजकले बताएको छ।

काठमाडौं । सौन्दर्य प्रतियोगिता ‘मिस नेपाल पिस’को नयाँ संस्करण सुरु भएको छ । आयोजक संस्था नेक्स्ट मोडल्सले विज्ञप्ति जारी गर्दै अडिसनबारे जानकारी दिएको हो ।

नर्सको लिडरसिपको विकास गर्दै उनीहरूको व्यक्तित्व निखार्ने उद्देश्यका साथ आयोजना हुँदै आएको प्रतियोगिताको केही अगाडिदेखि आवेदन खुला भएको थियो । प्रतियोगिताको छनोट चरणको अडिसन डिसेम्बर २० गतेबाट सुरु हुनेछ ।

प्रतियोगितामा १७ देखि २८ वर्षसम्मका नर्स तथा नर्सिङ अध्ययनरत युवतीले भाग लिन सक्नेछन् । प्रतियोगिताको आवेदन फारम ‘खल्ती’ एपमा उपलब्ध छ । अडिसनको समय र भेन्यु भने केही दिनपछि जानकारी दिइने आयोजकले जनाएको छ ।

प्रतियोगिताका विजेताले नगद एक लाख, थाइल्यान्डमा सन् २०२६ मा आयोजना हुने ‘मिस ग्लोबल’, चीनमा हुने ‘मिस वल्र्ड पिस’ र भियतनाममा आयोजना हुने ‘मिस प्लानेट इन्टरनेसनल’मा नेपालको प्रतिनिधित्व गर्नुका साथै पाँच लाख बराबरको विभिन्न उपहारसमेत जित्न सक्ने उल्लेख छ ।

प्रतियोगिताको प्रारम्भिक चरणमा देशभरका चार दर्जन नर्सिङ कलेज तथा एक सयभन्दा बढी अस्पतालमा कार्यरत नर्सहरूको उत्साहजनक सहभागिता रहने अपेक्षा गरिएको आयोजक संस्था नेक्स्ट मोडल्स नेपालका अध्यक्ष रवि धमलाले बताए ।