कांग्रेस सहमहामन्त्री राठौर र लुम्बिनी सभापति पुन पनि २ क्षेत्रबाट सिफारिस

News Summary

Generated by OK AI. Editorially reviewed.

नेपाली कांग्रेसमा एकभन्दा बढी क्षेत्रबाट प्रत्यक्षतर्फ सिफारिस हुने नेताहरूको संख्या बढ्दै गएको छ।
महामन्त्री गगनकुमार थापालाई सबैभन्दा बढी पाँच जिल्लाबाट नाम सिफारिस गरिएको छ।
सहमहामन्त्री किशोरसिंह राठौरलाई बर्दिया-२ र अमरसिंह पुनलाई रोल्पाले प्रत्यक्षतर्फको उम्मेदवारका लागि सिफारिस गरेका छन्।

२ पुस, काठमाडौं । आसन्न प्रतिनिधि सभा निर्वाचनका लागि नेपाली कांग्रेसमा एकभन्दा बढी क्षेत्रबाट प्रत्यक्षतर्फ सिफारिस हुने नेताहरूको संख्या बढ्दै गएको छ ।

कांग्रेस बाँके-३ को क्षेत्रीय कार्यसमितिले सहमहामन्त्री किशोरसिंह राठौर र लुम्बिनी प्रदेश सभापति अमरसिंह पुनको नाम प्रत्यक्षतर्फको उम्मेदवारका लागि सिफारिस गरेको छ ।

सहमहामन्त्री राठौरलाई बर्दिया-२ को क्षेत्रीय कार्यसमिति र सभापति पुनलाई जिल्ला कार्यसमिति रोल्पाले यसअघि नै उम्मेदवारका लागि सिफारिस गरिसकेका थिए ।

कांग्रेसबाट सबैभन्दा बढी ५ जिल्लाबाट नाम सिफारिस गरिनेमा महामन्त्री गगनकुमार थापा रहेका छन् । उपसभापति धनराज गुरूङलाई स्याङ्जाका दुवै निर्वाचन क्षेत्रका लागि स्थानीय क्षेत्रीय समितिले सिफारिस गरेका थिए ।

यस्तै पूर्वपराराष्ट्रमन्त्री डा. आरजु राणा देउवा कैलालाी-५ र बर्दिया-२ तथा सुदूरपश्चिम प्रदेश सभापति वीरबहादुर बलायर कैलाली-४ र डोटीबाट प्रत्यक्षतर्फको उम्मेदवारमा सिफारिस भएका थिए ।

बाँके–३ को क्षेत्रीय कार्यसमितिले सहहामन्त्री राठौर र प्रदेश सभापति पुनसँगै अन्य आठ जनाको नाम प्रत्यक्षतर्फको उम्मेदवारका आकांक्षीका रूपमा सिफारिस गरेको छ ।