एमाले कैलालीले समानुपातिक सूचीमा पठायो ५४ नाम (सूचीसहित)

News Summary

Generated by OK AI. Editorially reviewed.

नेकपा एमाले कैलालीले समानुपातिक सूचीका लागि ५४ जनाको नाम केन्द्रीय कमिटीमा सिफारिस गरेको छ।
जिल्ला अध्यक्ष यज्ञराज ढुंगानाले नेताहरूसँग छलफलपछि आकांक्षीको नाम संकलन गरी सिफारिस गरिएको जानकारी दिनुभयो।
खसआर्य, दलित, आदिवासी जनजाति, थारू र अपांग समूहका विभिन्न व्यक्तिहरूको नाम सिफारिस गरिएको छ।

१३ पुस, धनगढी । नेकपा एमाले कैलालीले समानुपातिक सूचीका लागि ५४ जनाको नाम केन्द्रमा सिफारिस गरेको छ ।

जिल्ला अध्यक्ष यज्ञराज ढुंगानाले नेताहरूसँग छलफल र परामर्शपछि आकांक्षीको नाम संकलन गरेर पार्टीको केन्द्रीय कमिटीमा सिफारिस गरिएको जानकारी दिए ।

उनका अनुसार खसआर्य (पुरूष) तर्फ हरिशंकर योगीसहित १७ जना, खसआर्य (महिला) मा कमला ओलीसहित १२ जनाको नाम सिफारिस गरिएको छ ।

दलित पुरूषमा मोति मिजारसहित ८ जना, दलित महिलामा सावित्रा घिमिरे र पवित्रा ताम्राकारको नाम सिफारिस गरिएको छ ।

आदिवासी, जनजाति, थारू राना, थारूको पुरूषमा होरीलाल चौधरीसहित ५ जना, महिलामा इच्छा चौधरीसहित ७ जना, अपांग पुरूषमा रामचन्द्र जोशी र यज्ञराज कापडीको नाम सिफारिस गरिएको अध्यक्ष ढुंगानाले जानकारी दिए ।