‘एक्लो’ को विकडेज शोमा कटौती, आइतबार शो संख्या कति छ ?

News Summary

Generated by OK AI. Editorially reviewed.

प्रदीप खड्का स्टारर फिल्म ‘एक्लो’ को विकडेज शोज संख्या १२४ बाट घटेर आइतबार ८१ पुगेको छ।
फिल्म ‘एक्लो’ को सप्ताहन्त कमाइबारे बक्सअफिस विवरण अहिलेसम्म सार्वजनिक भएको छैन।
निर्माताले ‘एक्लो’ को सिक्वेल ‘राइज अफ द कल्की’ बन्ने संकेत दिएका छन्।

काठमाडौं । प्रदीप खड्का स्टारर फिल्म ‘एक्लो’ को विकडेज शोजमा कटौती देखिएको छ । १२४ वटा शोजबाट रिलिज भएको यो फिल्मको आइतबार शोज संख्या ८१ मात्र छ ।

सप्ताहन्तमा औषत शो पाएको फिल्मको शोज संख्या आइतबारदेखि सुरु हुने विकडेजमा कमी देखिएको हो । फिल्मको सप्ताहन्त कमाइबारे बक्सअफिसको विवरण आइसकेको छैन ।

अभिनेता खड्का, बेलायती अभिनेता जेमी बेकन, सुनिल थापा, बेनिशा हमाल स्टारर फिल्मको शोज संख्या ३ दिनमै गिरावट हुनु अनपेक्षित हो ।

प्रदीप शाही निर्देशित फिल्मलाई प्रचारप्रसारको क्रममा ‘साइन्स फिक्सन’ भनिएको छ । निर्माताले फिल्मको अन्त्यमार्फत सम्भावित सिक्वेलतर्फ संकेत गर्दै ‘राइज अफ द कल्की’ बन्ने बताएका छन् ।

‘एक्लो’ लाई अब बक्सअफिसमा उकालो लाग्न कुनै जादूको खाँचो पर्नेछ । त्यो जादू भनेको बलियो ‘वर्ड अफ माउथ’ मै टिकेको छ । पछिल्लो समय प्रदीपले अभिनय गरेका पिताम्बर र एक्टर टेक वन बक्सअफिसमा असफल रहे । त्यसकारण पनि, उनको लागि हिट फिल्मको खाँचो छ ।