‘झरीपछिको इन्द्रेणी’ ले १६ दिनसम्म कति कमायो ?

Listen News

0:00

0:30

🔊

News Summary

Generated by OK AI. Editorially reviewed.

झरीपछिको इन्द्रेणी फिल्मले प्रदर्शनको १६ दिनसम्म देशब्यापी ९३ लाख ८३ हजार ५१६ नेरु ग्रस कमाइ गरेको छ।
फिल्मले १९ पुससम्म २९ हजार ६८३ वटा टिकट बेचेको छ र अहिलेसम्म १ करोड नेरु कमाउन सकेको छैन।
काठमाडौं महानगरका मेयर बालेन शाहसहित टिमले प्रचार गरे पनि फिल्मले १ करोड कमाउन नसकेको छ।

काठमाडौं । ‘झरीपछिको इन्द्रेणी’ फिल्मले प्रदर्शनको १६ दिनसम्म देशब्यापी ९३ लाख ८३ हजार ५१६ नेरु ग्रस कमाइ गरेको छ । फिल्मले अहिलेसम्म पनि १ करोडको आँकडा पार गर्न सकेको छैन ।

सिनेपाः बक्सअफिसले सोमबार पछिल्लो शनिबार (१९ पुस) सम्मको कलेक्सन विवरण बाहिर ल्याएको छ । सोही अवधिसम्म फिल्मले २९ हजार ६८३ वटा टिकट बेचेको छ ।

काठमाडौं महानगरका मेयर बालेन शाहसहित उनी निकट टिमले गरेको ब्यापक प्रचारप्रसारको बाबजुद पनि फिल्मले १ करोड कमाउन नसकेको हो ।

आउने सप्ताहन्त यो फिल्मले कस्तो पिकअप लिन्छ, त्यो हेर्न बाँकी छ । अर्जुन घिमिरे पाँडे निर्देशित फिल्म भ्रष्टाचार र बेथितीविरुद्ध युवापुस्ताले थालेको संघर्षमा केन्द्रित छ ।

यो फिल्मबाट पाका अभिनेता गणेश उप्रेतीले लामो समयपछि पुनरागमन गरेका छन् ।