२१ पुस, काभ्रेपलाञ्चोक । दोलखाको जिरी ९ उर्लेनीमा रहेको खिम्ती २ हाइड्रोपावरमा काम गर्ने कर्मचारीहरू बीच कुटाकुट भएको छ ।
सामान्य वादविवादलाई लिएर एक आपसमा कुटाकुट हुँदा तीन जना घाइते भएका छन् ।
दोलखा प्रहरीका अनुसार कुटपिटबाट सुर्खेतको भेरीगंगाका ३७ वर्षीय खड्कबहादुर बस्नेत, रामेछापको उमाकुण्ड-१ का २८ वर्षीय जगत बस्नेत र दोलखाको जिरीका २६ वर्षीय सुभाष तामाङ घाइते भएका छन् ।
घाइते तीनै जनालाई उपचारका लागि जिरी अस्पताल लगिएको दोलखा प्रहरीका सूचना अधिकारी श्रीराम तिमल्सिनाले जानकारी दिए ।
कुटपिटमा संलग्न रहेको आरोपमा तीन जनालाई नियन्त्रणमा लिइएको उनले बताए ।
पक्राउ पर्नेमा रामेछाप गोकुलगंगाका २६ वर्षीय कमानसिंह तामाङ, बाँके राजपुरका २२ वर्षीय राम गुरुङ र नवलपरासी बर्दाघाटका २४ वर्षीय नवीन उपाध्याय रहेका छन् ।
कर्मचारीहरूबीच के कारणले विवाद भएको हो भन्नेबारे अनुसन्धान भइरहेको उनले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4