चाँदीको मूल्यमा नयाँ रेकर्ड, सुन घट्यो

News Summary

Generated by OK AI. Editorially reviewed.

नेपाल सुनचाँदी व्यवसायी महासंघले बुधबार चाँदीको मूल्य प्रतितोला ४ हजार ९३५ रुपैयाँ तोकेको छ।
चाँदीको मूल्य अघिल्लो दिनको तुलनामा ५५ रुपैयाँले बढेको छ।
सुनको भाउ बुधबार प्रतितोला २ लाख ६७ हजार ७ सय रुपैयाँ तोकिएको छ, जुन अघिल्लो दिनभन्दा ४ सय रुपैयाँले घटेको हो।

२३ पुस, काठमाडौं । बुधबार चाँदीको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघले यस दिनका लागि चाँदीको भाउ प्रतितोला ४ हजार ९३५ रुपैयाँ तोकेको छ ।

अघिल्लो दिनको तुलनामा आज ५५ रुपैयाँले चाँदी बढेको छ । अघिल्लो दिन प्रतितोला ४ हजार ८८० रुपैयाँमा चाँदीको कारोबार भएको थियो । यसअघि पुस १४ गते चाँदीको भाउले ४ हजार ८९५ रुपैयाँको उच्चतम रेकर्ड बनाएको थियो ।

बुधबार सुनको भाउ सामान्य घटेको छ । नेपाल सुनचाँदी व्यवसायी महासंघका अनुसार यस दिन सुनको भाउ प्रतितोला ४ सय रुपैयाँले घटेको हो । महासंघले सुनको भाउ आज प्रतितोला २ लाख ६७ हजार ७ सय रुपैयाँ तोकेको छ ।

अघिल्लो दिन २ लाख ६८ हजार १ सय रुपैयाँमा कारोबार भएको थियो । पुस १३ गते सुनको भाउले हालसम्मकै उच्च रेकर्ड बनाएको छ । सो दिन सुन प्रतितोला २ लाख ७० हजार ६ सय रुपैयाँमा कारोबार भएको थियो ।