विशेष महाधिवेशनले हुक्के, बैठके र चम्चेहरूको विनाश गर्नेछ: तीर्थ थापा

News Summary

Generated by OK AI. Editorially reviewed.

सांस्कृतिक महासंघका अध्यक्ष तीर्थ थापाले नेपाली कांग्रेसको दोस्रो विशेष महाधिवेशनले पार्टीभित्र मौलाएको गलत संस्कारको अन्त्य गर्ने विश्वास व्यक्त गर्नुभयो।
उहाँले विशेष महाधिवेशनले नेतृत्व परिवर्तन गर्नेछ र हुक्के, बैठके र चम्चेहरूको विनाश गर्नेछ भन्नुभयो।
उहाँले अब पार्टीको नेतृत्व युवाले सम्हाल्ने र मुलुक बचाउने अभिभारा युवाले नै पूरा गर्ने बताए।

२७ पुस, काठमाडौं । सांस्कृतिक महासंघका अध्यक्ष तीर्थ थापाले विशेष महाधिवेशनले पार्टीभित्र मौलाएको गलत संस्कारको अन्त्य गर्ने विश्वास व्यक्त गरे ।

नेपाली कांग्रेसको दोस्रो विशेष महाधिवेशन उद्घाटन समारोहमा शुभकामना मन्तव्य व्यक्त गर्दै पार्टीभित्र नेतृत्वको वरिपरि रहेर स्वार्थ सिद्ध गर्ने संस्कृति बढिरहेको बताए ।

उनले भने, ‘यो विशेष महाधिवेशनले नेतृत्व परिवर्तन गर्नेछ । हुक्के, बैठके र चम्चेहरूको विनाश गर्नेछ,’ उनले भने, ‘अब पार्टीको नेतृत्व युवाले सम्हाल्नेछन् । मुलुक बचाउने अभिभारा युवाले नै पूरा गर्नेछन् ।’

उनले सबैको सम्मान, सुरक्षा र पहिचान स्थापित हुने गरी विशेष महाधिवेनले निर्णय लिनेमा सबै सांस्कृतिककर्मीहरू विश्वस्त रहेको बताए ।