१८ व्यावसायिक फर्ममाथि वाणिज्य विभागको अनुगमन र कारबाही

News Summary

Generated by OK AI. Editorially reviewed.

वाणिज्य, आपूर्ति तथा उपभोक्ता संरक्षण विभागले सोमबार काठमाडौं उपत्यकाका १८ उद्योग तथा व्यावसायिक फर्ममाथि कारबाही गरेको छ।
ललितपुर महालक्ष्मी नगरपालिका–१ स्थित न्यु आरए इन्टरप्राइजेजलाई उपभोक्ता संरक्षण ऐन २०७५ को दफा ३९ (१) (क) अनुसार २० हजार रुपैयाँ जरिबाना गरिएको छ।
विभागले उपभोक्ता संरक्षण ऐन २०७५ र नियमावली २०७६ अनुसार बजार स्वच्छ र प्रतिस्पर्धी बनाउन अनुगमनलाई निरन्तरता दिने प्रतिबद्धता व्यक्त गरेको छ।

२८ पुस, काठमाडौं । वाणिज्य, आपूर्ति तथा उपभोक्ता संरक्षण विभागले सोमबार १८ उद्योग तथा व्यावसायिक फर्ममाथि कारबाही गरेको छ ।

विभागले काठमाडौं उपत्यकाका विभिन्न स्थानमा गरेको अनुगमन क्रममा उपभोक्ता संरक्षण ऐन र नियमावली विपरीत कार्य गर्ने फर्मलाई कारबाही तथा निर्देशन दिएको हो ।

ललितपुर महालक्ष्मी नगरपालिका–१ मा रहेको न्यु आरए इन्टरप्राइजेजलाई उपभोक्ता संरक्षण ऐन २०७५ को दफा १६ र ३८ (छ) बमोजिम कसुरमा सोही ऐनको दफा ३९ (१) (क) अनुसार २० हजार रुपैयाँ जरिबाना गरिएको छ ।

त्यसैगरी विभागले अन्य १७ व्यावसायिक फर्मलाई सामान्य निर्देशन दिएको छ ।

उपभोक्ता संरक्षण ऐन २०७५ र उपभोक्ता संरक्षण नियमावली २०७६ बमोजिम बजार स्वच्छ र प्रतिस्पर्धी बनाउन विभागले नियमित अनुगमन गर्दै आएको छ ।

विभागले ‘स्वच्छ र प्रतिस्पर्धी बजार : उपभोक्ता संरक्षणको दिगो आधार’ भन्ने नारा आत्मसात गर्दै अनुगमनलाई निरन्तरता दिने प्रतिबद्धता व्यक्त गरेको छ ।