अरुण क्षेत्री स्टारर ‘हन्टर’ को छायांकन इन्ड-क्ल्याप

News Summary

Generated by OK AI. Editorially reviewed.

एक्सन ड्रामा फिल्म 'हन्टर' को ४५ दिनको छायांकन पश्चिमका विभिन्न स्थानमा सकिएको छ।
निर्देशक जीवन सिंहले वास्तविक घटनालाई काल्पनिकरुपमा रुपान्तरण गरिएको बताए।
फिल्मको प्रदर्शन मिति पोस्टप्रोडक्सन सकिएपछि मात्र घोषणा गरिने निर्देशक सिंहले जानकारी दिएका छन्।

काठमाडौं । एक्सन ड्रामा फिल्म ‘हन्टर’ को छायांकन सकिएको छ । ४५ दिन लगाएर पश्चिमका विभिन्न स्थानमा छायांकन गरिएको थियो ।

जीवन सिंहको डेब्यू निर्देशन रहेको यो फिल्मलाई क्याच कक इन्टरटेनमेन्ट प्रालिले प्रस्तुत गरेको हो । पटकथाकार र सम्पादक पनि सिंह स्वयम हुन् ।

सुदूरपश्चिम नेपालको कथा पेश गर्ने फिल्मलाई वास्तविक जीवनबाट प्रेरित रहेको बताइएको छ । वास्तविक घटनालाई काल्पनिकरुपमा रुपान्तरण गरिएको निर्देशक सिंहले बताए ।

शीर्ष भूमिकामा अरुण क्षेत्री छन् । प्रकाश साह, गरिमा शर्मा, सरोज खनाल, रुजा राउत, सुप्रज्ञा शर्मा, रमेश बुढाथोकी, सुशील पोखरेल, रोशनी दाहाल, सोनी लगुन, गीता अधिकारीको अभिनय छ ।

कृष्ण थापाको छायांकन रहेको फिल्ममा एक्सन कोरियोग्राफी शुक्र साहको छ । विक्रम स्वाँर र सञ्जय खिमजिमको नृत्य निर्देशन रहेको फिल्ममा बाबुल गिरीको संगीत छ । कार्यकारी निर्माता रोयल भीमसेन हुन् ।

ममता सिंह, गोविन्द रोक्का र राज भट्ट निर्माता रहेको फिल्ममा मनीष चन्द सह-निर्माता छन् । प्रदर्शन मिति तय छैन । पोस्टको काम सबै सकिएपछि मात्रै रिलिज मिति घोषणा गर्ने निर्देशक सिंहले जानकारी दिएका छन् ।