नेवानिको ‘वाइड बडी’ जहाज मर्मत गर्न कम्पनी छनोट गरिँदै

News Summary

Generated by OK AI. Editorially reviewed.

नेपाल वायुसेवा निगमले वाइड बडी जहाजको इन्जिनको पूर्णमर्मत गर्न अन्तर्राष्ट्रिय बोलपत्रद्वारा कम्पनी छनोट प्रक्रिया अगाडि बढाएको छ।
इन्जिन मर्मतका लागि सात सदस्यीय उपसमितिले बोलपत्र तयार गरी आह्वान प्रक्रिया अन्तिम चरणमा पुर्‍याएको निगमले जनाएको छ।
निगमले सार्वजनिक खरिद ऐन, विधि र अन्तर्राष्ट्रिय मापदण्ड पूरा गरी केही दिनमै सार्वजनिक सूचना जारी गर्नेछ।

६ माघ, काठमाडौं । नेपाल वायुसेवा निगम (नेवानि) ले ‘वाइड बडी’ जहाजको इन्जिनको पूर्णमर्मत (ओभरहल) गर्न कम्पनी छनोट प्रक्रिया अगाडि बढाएको छ ।

नेवानिका अनुसार वाइड बडीको इन्जिन नियमित मर्मतका लागि गृहकार्य भइरहेको छ । इन्जिन नियमित मर्मत गर्नुपर्ने अवधि करिब एक वर्ष बाँकी रहँदा अन्तर्राष्ट्रिय बोलपत्रद्वारा इन्जिन रिपेयर/ओभरहल गर्ने एमआरओ छनोट गर्ने सम्बन्धी बोलपत्र तयार गर्न सात सदस्यीय एक उपसमिति गठन गरिएको थियो ।

उक्त समितिले बोलपत्र तयार तथा आह्वान गर्ने प्रक्रिया अन्तिम चरणमा पुर्‍याएको निगमको भनाइ छ । अबको केही दिनमै उक्त कार्यको सार्वजनिक सूचना जारी हुनेसमेत निगमले जनाएको छ ।

सार्वजनिक खरिद ऐन, विधि, प्रक्रिया तथा अन्तर्राष्ट्रिय मापदण्ड समेत पूरा गरी निगमले कार्य अगाडि बढाएको जनाएको छ ।