निर्वाचन आचारसंहिताका कारण निर्माण व्यवसायी महासंघको साधारणसभा स्थगित

News Summary

Generated by OK AI. Editorially reviewed.

नेपाल निर्माण व्यवसायी महासंघको २६औं साधारणसभा तथा निर्वाचन आगामी २१ फागुनमा हुने प्रतिनिधिसभा निर्वाचन आचारसंहिताका कारण स्थगित भएको छ।
निर्वाचन आयोगले निर्वाचन आचारसंहिता लागू भएको स्मरण गराउँदै महासंघलाई साधारणसभा स्थगित गर्न पत्र पठाएको थियो।
महासंघ महासचिव रोशन दाहालले अर्को सूचना नआएसम्म महासंघको सबै कार्यक्रम रोकिएको जानकारी दिनुभयो।

१२ माघ, काठमाडौं । आगामी २१ फागुनमा हुने प्रतिनिधिसभा निर्वाचन आचारसंहिताका कारण नेपाल निर्माण व्यवसायी महासंघको निर्धारित २६औं साधारणसभा तथा निर्वाचन स्थगित भएको छ ।

महासंघले १५ देखि १७ माघमा साधारणसभा तथा १३औं अधिवेशन आयोजना गरेको थियो । तर, निर्वाचन आयोगले पत्र पठाउँदै निर्वाचन आचारसंहिता लागु भएको स्मरण गराइ साधारणसभा स्थगित गर्न भनेको हो ।

सोही अनुसार महासंघको पूर्वनिर्धारित कार्यक्रम स्थगित भएको महासंघ महासचिव रोशन दाहालले जानकारी दिए । उनका अनुसार अर्को सूचना प्रकाशित नभएसम्म महासंघको कार्यक्रम रोकिएको छ ।

आचारसंहिताले सबै प्रदेश, जिल्ला संघ र एसोसिएट तथा वस्तुगत संघसंस्थाको साधारणसभा समेत स्थगित भएको महासंघले स्पष्ट पारेको छ ।