२०८२ फागुन १४ गते ७:३५ 
News Summary
Generated by OK AI. Editorially reviewed.- स्पेनिस क्लब रियल मड्रिडले युरोपियन च्याम्पियन्स लिग फुटबलको अन्तिम १६ मा प्रवेश गरेको छ।
- बुधबार राति घरेलु मैदान सान्टियागो बर्नाबउमा बेनफिकालाई ३–१ को समग्र जितसहित रियलले अन्तिम १६ स्थान पक्का गरेको हो।
- खेलमा अरेलियन चुआमेनी र भिनिसियस जुनियरले एक-एक गोल गरे भने भिनिसियसको ८०औं मिनेटको गोल निर्णायक रह्यो।
१४ फागुन, काठमाडौं । स्पेनिस क्लब रियल मड्रिड युरोपियन च्याम्पियन्स लिग फुटबलको अन्तिम १६ मा प्रवेश गरेको छ ।
बुधबार राति घरेलु मैदान सान्टियागो बर्नाबउमा भएको दोस्रो लेगको खेलमा बेनफिकालाई पराजित गर्दै रियलले समग्रमा ३–१ को जितसहित अन्तिम १६ मा स्थान पक्का गरेको हो ।
रियलको जितमा अरेलियन चुआमेनी र भिनिसियस जुनियरले एक-एक गोल गरे । बेनफिकाका राफा सिल्भाले एक गोल गरे ।
खेलको १४औं मिनेटमा सिल्भाले गोल गर्दै बेनफिकालाई अग्रता दिलाएका थिए । तर दुई मिनेटपछि नै चुआमेनीले बराबरी गोल फर्काए ।
भिनिसियसले ८०औं मिनेटमा गरेको गोल नै जितको आधार बन्यो । पहिलो लेगमा पनि उनकै एकमात्र गोलले रियल विजयी भएको थियो ।
खेलअघि भिनिसियस जुनियरमाथि पहिलो लेगमा जातीय दुर्व्यवहार भएको आरोपको विषय चर्चामा थियो । त्यस घटनापछि बेनफिकाका खेलाडी जियानलुका प्रेस्टानीलाई एक खेल प्रतिबन्ध लगाइएको थियो । घरेलु समर्थकले पनि ‘नो टु रेसिज्म’ लेखिएको ब्यानर प्रदर्शन गर्दै समर्थन जनाएका थिए ।
घाइते किलियन एमबाप्पेबिना मैदान उत्रिएको रियलले केही कठिनाइ खेपे पनि अन्ततः जित निकाल्न सफल भयो ।
प्रतिक्रिया 4