१४ फागुन, काठमाडौं । नेपाली कांग्रेसले निर्वाचन अयोगसँग आचारसंहिता विपरीतका घटनाहरूमा कारबाहीका लागि विलम्ब नगर्न माग गरेको छ ।
कांग्रेसले बिहीबार प्रेस विज्ञप्ति जारी गरेर आचारसंहिता विपरीतका घटनाहरूमा कारबाहीका लागि विलम्ब नगर्न आयोगसँग माग गरेको हो ।
‘आचारसंहिता विपरीतका घटनाहरूबारे छानबिन गर्दै तत्काल कडाभन्दा कडा कारबाही गर्ने सवालमा कुनै विलम्ब नगर्न हामी निर्वाचन आयोग समक्ष जोडदार माग गर्दछौं,’ प्रवक्ता देवराज चालिसेद्वारा जारी विज्ञप्तिमा भनिएको छ ।
कांग्रेसले सदाझैं निर्वाचनमा आचारसंहिताको पालनालाई प्रमुख प्राथमिकता दिइएको भन्दै आचारसंहिताको अवमूल्यन र उल्लंघन गर्नु आधारभूत लोकतान्त्रिक मूल्यमान्यता विपरीत भएको स्मरण गराएको छ ।
चुनाव प्रचारका क्रममा आ–आफ्ना दलका नीति र मान्यताहरू जनतासमक्ष राख्नु स्वभाविक मानिन्छ पनि नेपालको बहुलता र एकतालाई कमजोर पार्ने विभाजनकारी अभिव्यक्ति अनुचित भएको विज्ञप्तिमा उल्लेख छ ।
‘लोकतन्त्रमा शासनको वैधताको स्रोत जनताको मत हो । जनताले भयरहित वातावरणमा आफ्नो मतदान गर्न पाउने अधिकारको पूर्ण सम्मान गर्न सरकार र सम्बन्धित पक्षसँग आग्रह गर्दछौं,’ कांग्रेसले भनेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4