उम्मेदवार जिताउन नसकेको भन्दै एमाले बागलुङ नगर अध्यक्षले दिए राजीनामा

News Summary

Generated by OK AI. Editorially reviewed.

नेकपा एमाले बागलुङ नगर कमिटीका अध्यक्ष रामकृष्ण शर्माले नैतिकताका आधारमा अध्यक्ष पदबाट राजीनामा दिएका छन्।
शर्माले प्रतिनिधिसभा सदस्य निर्वाचनमा एमाले उम्मेदवार हिराबहादुर केसीलाई जिताउन नसकेको भन्दै राजीनामा दिएका हुन्।
उनले पार्टी पुनर्गठन आवश्यक भएकाले सुरुवात आफूबाट गरेको उल्लेख गरेका छन्।

२६ फागुन, बागलुङ । नेकपा एमाले बागलुङ नगर कमिटीका अध्यक्ष रामकृष्ण शर्माले अध्यक्ष पदबाट नैतिकताका आधारमा राजीनामा दिएका छन् ।

एमाले उम्मेदवारलाई जिताउन नसकेको र एमालेको राजनीतिमा उत्साह ल्याउन नसकेको आत्माआलोचना गर्दै उनले नगर कमिटिका उपाध्यक्षलाई सम्वोधन गरेर औपचारिक रूपमा राजीनामा पत्र पेस गरेका हुन् ।

फागुन २१ गते सम्पन्न प्रतिनिधिसभा सदस्यको निर्वाचनमा बागलुङ क्षेत्र नंम्बर १ बाट एमालेका उम्मेदवारी हिराबहादुर केसीलाई जिताउन नसकेको भन्दै नैतिकताको आधारमा राजीनामा दिएको बताए ।

बागलुङ नगरपालिकाका कार्यकर्ताहरुलाई एमालेप्रति उत्साहित बनाउन नसकिएको र आम मतदाताको माग बुझ्न ढिलो भएको प्रति आत्माआलोचना गर्दै नैतिकताको आधारमा नगर अध्यक्षको पदबाट राजिनामा दिएको पनि बताएका छन् ।

शर्माले पार्टी अब पुनर्गठन गर्न अवश्यक रहेकाले सुरुवात आफूबाट गरेको पनि बताए ।