‘जेनजी आन्दोलनको भीडलाई उक्साउने काम टीओबीले गर्‍यो’

News Summary

Generated by OK AI. Editorially reviewed.

जेनजी आन्दोलनका घटनाबारे आयोगले भदौ २३ गते टीओबी समूहले शान्तिपूर्ण प्रदर्शनलाई उग्र बनाएको उल्लेख गरेको छ।
आयोगले भदौ २३ गते करिब १०० वटा मोटरसाइकलमा आएका युवाहरूले भीडलाई उत्तेजित बनाएको प्रतिवेदनमा उल्लेख छ।
भीडले प्रहरीमाथि ढुंगा, रड, इट्टा प्रहार गर्दै संसद् भवन छिर्ने प्रयास गरेको र प्रहरीले बल प्रयोग गरेको आयोगले खुलाएको छ।

११ चैत, काठमाडौं । भदौ २३ गतेको जेनजीको शान्तिपूर्ण प्रदर्शनलाई उग्र बनाउन टीओबी समूहको भूमिका रहेको खुलाइएको छ ।

जेनजी आन्दोलनका घटनाबारे जाँचबुझ गर्न गठन भएको आयोगले तयार पारेको प्रतिवेदनमा यसबारे उल्लेख गरिएको हो ।

‘भदौ २३ गते करिब १२ बजेको समयमा चाबहिल ओम अस्पताल धोबिखोला करिडोर, गौशाला लगायत विभिन्न क्षेत्रबा६ करिब १०० वटा मोटरसाइकलमा बानेश्वर, बिजुलीबजारतिरबाट आएका (केहीले टीओबी लेखिएको कालो टी-सर्ट लगाएका) युवाहरूले मोटरसाइकल पढ्काउँदै होहल्ला गरी भीडलाई थप उत्तेजित बनाउने कार्य गरेको देखिन्छ,’ प्रतिवेदनमा उल्लेख छ ।

त्यसपछि भीड झन उग्र भै प्रहरीलाई धक्कामुक्का गर्दै, पानीका बोत्तल, ढुंगा मुडा, रड, इट्टा, गुलेली आदीबाट प्रहार गर्दै संसद् भवन छिर्ने प्रयास गरेको आयोगले भनेको छ ।

प्रहरीले माइकिङ गरेर सम्झाउँदा, बुझाउँदा नियन्त्रण नभएपछि बल प्रयोग गरिएको जिल्ला प्रहरी परिसर काठमाडौंका अपरेशन इन्चार्ज सुन्दर तिवारी र अन्य प्रहरी अधिकारीलाई आयोगले उदृत गरेको छ ।