हरेक बिहान धनियाँ पानीको सेवन गर्दा के-के हुन्छ फाइदा ?

धनियाँ तरकारी‍, अचारमा स्वाद बढाउनका लागि मात्रै होइन राम्रो गन्ध मात्र होइन, औषधीय गुणले समेत भरिपूर्ण हुन्छ । आयुर्वेदमा पनि धनियाँको दाना फाइदाको बारेमा चर्चा गरिएको छ ।

धनियाँको दानामा फाइबर, क्याल्सियम, तामा, म्याग्नेसियम, फलाम र भिटामिन ए, सी र के प्रशस्त मात्रामा पाइन्छ । धनियाँको दानालाई पानीमा भिजाएर यो पानी पिउनाले धेरै स्वास्थ्य लाभहरू प्राप्त हुन्छन् । बिहान खाली पेटमा धनियाँ पानी पिउनाले शरीरमा धेरै प्रभाव पार्छ।

१.पाचन सुधार गर्छ

हरेक बिहान खाली पेटमा धनियाँ पानी पिउनाले पाचन इन्जाइमहरू सक्रिय हुन्छन् । यसले पेट फुल्ने, अपच र भारी हुने जस्ता समस्याहरूबाट छुटकारा पाउन मद्दत गर्छ ।

३.प्राकृतिक डिटक्स

धनियाँ पानीले राम्रो डिटक्स वाटरको रूपमा काम गर्छ । यसले शरीरबाट हानिकारक विषाक्त पदार्थहरू हटाउँछ र डिटक्सिफाइ गर्ने गुणहरू प्रदान गर्दछ।

४.तौल घटाउन मद्दत गर्ने

बिहान खाली पेटमा धनियाँ पानी पिउनाले तौल घटाउन मद्दत गर्न सक्छ । यो पानी बोसो जलाउने गुणहरूले भरिपूर्ण हुन्छ । धनिया तौल घटाउने प्रक्रियामा सहायक बन्न सक्छ तर धनियाँ पानीको सेवनले मात्रै तौल घट्ने भने होइन्

सुन्निने समस्या कम गर्छ

यसको एन्टी-इन्फ्लेमेटरी गुणहरूको कारण, धनियाँ पानी पिउनाले सुन्निने समस्या कम हुन्छ । यो एसिडिटी र पेटको अन्य समस्याहरूबाट छुटकारा पाउन पनि प्रभावकारी हुन्छ ।

५.छालाका लागि फाइदा

धनियाँ पानी पिउनाले छालालाई फाइदा हुन्छ । यसको एन्टिब्याक्टेरियल र एन्टिअक्सिडेन्ट गुणले छालालाई डन्डीफोरबाट मुक्त राख्न मद्दत गर्छ।

६.कसरी बनाउने धनियाँ पानी ?

एक गिलास पानीमा एक चम्चा धनियाँको दाना रातभर भिजाउनुहोस् । भोलिपल्ट बिहान यो पानीलाई हल्का तताएर पिउनुहोस् ।